ദോഹ: വാരാന്ത്യത്തിൽ ഖത്തറിലെ ചില സ്ഥലങ്ങളിൽ കാലാവസ്ഥ മങ്ങിയതായിരിക്കുമെന്നും തുടർന്ന് ചൂടുള്ള പകൽ സമയമാകുമെന്നും ഖത്തർ കാലാവസ്ഥാ വകുപ്പ് (ക്യുഎംഡി) അറിയിച്ചു.
വാരാന്ത്യത്തിൽ അന്തരീക്ഷതാപനില 28 ഡിഗ്രി സെൽഷ്യസ് മുതൽ 40 ഡിഗ്രി സെൽഷ്യസ് വരെ ഉയരാമെന്നും കാലാവസ്ഥാ വകുപ്പ് മുന്നറിയിപ്പ് നൽകുന്നു.
വ്യാഴാഴ്ചത്തെ കാറ്റ് പ്രധാനമായും വടക്കുപടിഞ്ഞാറൻ ദിശയിൽ 7 മുതൽ 17 നോട്ടിക്കൽ മൈൽ വേഗത്തിലും ചിലയിടങ്ങളിൽ 22 നോട്ടിക്കൽ മൈൽ വരെ വർദ്ധിക്കാമെന്നും പ്രവചിക്കുന്നു. വെള്ളിയാഴ്ച മുതൽ ശനിയാഴ്ചവരെ, കാറ്റ് ആദ്യം 5 നോട്ടിക്കൽ മൈൽ താഴെ വേഗത്തിൽ വീശിയേക്കാം. തുടർന്ന് വടക്കുപടിഞ്ഞാറു നിന്ന് വടക്കുകിഴക്കൻ ദിശയിലേക്ക് 5 മുതൽ 15 നോട്ടിക്കൽ മൈൽ വേഗത്തിലും വീശാൻ സാധ്യതയുണ്ട്.
വ്യാഴാഴ്ച കടൽത്തീരത്തിലെ കടലിന്റെ ഉയരം 1 മുതൽ 4 അടി വരെയായിരിക്കും. കടൽത്തീരത്ത് ചില സമയങ്ങളിൽ ഇത് 6 അടി വരെ ഉയരാൻ സാധ്യതയുണ്ട്. വെള്ളി, ശനി ദിവസങ്ങളിൽ കടലിന്റെ ഉയരം 1 മുതൽ 2 അടി വരെ ഉയർന്നേക്കാം. ഉൽക്കടലിൽ 3 അടി വരെ ഉയരാനിടയുണ്ട്.
വാരാന്ത്യത്തിലെ ദൃശ്യപരത പ്രധാനമായും 4 കിലോമീറ്റർ മുതൽ 9 കിലോമീറ്റർ വരെ ആയിരിക്കും.