ദോഹ: ഖത്തറിൽ കഴിഞ്ഞ 24 മണിക്കൂറിനിടെ 102 പുതിയ കോവിഡ് കേസുകൾ റിപ്പോർട്ട് ചെയ്തതായി പൊതുജനാരോഗ്യ മന്ത്രാലയം അറിയിച്ചു. ഈ സമയത്തിനുള്ളിൽ കോവിഡിൽ നിന്ന് 93 പേർ രോഗമുക്തരായി. ഇതോടെ ഖത്തറിൽ ഇതു വരെ രോഗമുക്തി നേടിയവരുടെ എണ്ണം 237,088ആയി.
102 കോവിഡ് കേസുകളിൽ 86 പേർ സമ്പർക്കം16 മൂലവും വിദേശത്തു നിന്നു തിരിച്ചു വന്ന പേരുമാണ് ഉൾപ്പെട്ടിരിക്കുന്നത്. ഖത്തറിൽ കോവിഡ് മൂലം ഇതു വരെ മരിച്ചവരുടെ എണ്ണം 609 ആയി തുടരുന്നു. വാക്സിനേഷൻ ക്യാമ്പയിൻ തുടങ്ങിയതിനു ശേഷം ഖത്തറിൽ 4,819,051 വാക്സിൻ ഡോസുകൾ നൽകാൻ സാധിച്ചിട്ടുണ്ട്.
കഴിഞ്ഞ 24 മണിക്കൂറിനുള്ളിൽ 3,620 ഡോസ് കോവിഡ് വാക്സിനുകൾ നൽകിയതായി ആരോഗ്യമന്ത്രാലയം അറിയിച്ചു. ഖത്തറിൽ ഇതു വരെ റെക്കോർഡ് ചെയ്ത പോസിറ്റീവ് കോവിഡ് കേസുകളുടെ എണ്ണം 238,742 ആണ്. നിലവിൽ സജീവമായി 1045 കോവിഡ് കേസുകൾ ചികിത്സയിലുണ്ട്. 24 മണിക്കൂറിനുള്ളിൽ 5,604 പേർ കോവിഡ് ടെസ്റ്റ് നടത്തിയിട്ടുണ്ട്. ഇതോടെ ഇതു വരെ നടത്തിയ കോവിഡ് ടെസ്റ്റുകളുടെ എണ്ണം 2,804,976 ആയി.
കഴിഞ്ഞ 24 മണിക്കൂറിനുള്ളിൽ ആരെയും ഐസിയുവിലേക്ക് മാറ്റേണ്ടി വന്നിട്ടില്ല. നിലവിൽ ഹോസ്പിറ്റൽ ഐസിയുകളിൽ ചികിത്സ തുടരുന്നവരുടെ എണ്ണം 10 ആയി കുറഞ്ഞു. കോവിഡ് കേസുകൾക്ക് കുറവുണ്ടെങ്കിലും മുൻകരുതൽ മാനദണ്ഡങ്ങൾ കർശനമായി പാലിക്കണമെന്നും ആരോഗ്യമന്ത്രാലയം ശുപാർശ ചെയ്യുന്നു.