ദോഹ: 2021/2022 ലെ ഈ അധ്യയന വർഷത്തിൽ വിവിധ വിദ്യാഭ്യാസ ഘട്ടങ്ങളിലെ സ്കൂൾ യാത്രകൾ ഉൾപ്പെടെയുള്ള പാഠ്യേതര സ്കൂൾ പ്രവർത്തനങ്ങൾ പുനരാരംഭിക്കുന്നതായി വിദ്യാഭ്യാസ ഉന്നത വിദ്യാഭ്യാസ മന്ത്രാലയം അറിയിച്ചു.
സ്കൂളുകളിൽ 100 ശതമാനം അധ്യയനം പുനരാരംഭിക്കുന്നത് കണക്കിലെടുത്ത് വിദ്യാർത്ഥികളുടെ സുരക്ഷയ്ക്കായി പ്രതിരോധ നടപടികൾ പാലിച്ചുകൊണ്ട്, 2021/2022 അധ്യയന വർഷത്തേക്കുള്ള യാത്രകളും വിവിധ പ്രവർത്തനങ്ങളും സ്കൂളുകളിൽ ബോധവൽക്കരണ യോഗങ്ങളും പുനരാരംഭിച്ചുകൊണ്ട് സ്കൂൾ പ്രവർത്തനങ്ങൾ സജീവമാക്കിയിട്ടുണ്ടെന്നും അവർ കൂട്ടിച്ചേർത്തു.
വിദ്യാർത്ഥികളെ പഠിപ്പിക്കുന്നതിലും അവരുടെ കഴിവുകൾ വികസിപ്പിക്കുന്നതിലും അവരുടെ വ്യത്യസ്ത കഴിവുകൾ കണ്ടെത്തുന്നതിലും അവരുടെ വ്യക്തിത്വവും ഭാവി ജീവിതവും രൂപപ്പെടുത്തുന്നതിലും സ്കൂൾ പ്രവർത്തനങ്ങൾ പ്രധാന പങ്കുവഹിക്കുന്നുണ്ടെന്ന് പരിപാടികൾ ആന്റ് ആക്ടിവിറ്റീസ് വിഭാഗം മേധാവി ഫാത്തിമ യൂസഫ് അൽ ഉബൈദ്ലി പറഞ്ഞു.