പരിസ്ഥിതി നിയമം ലംഘിക്കുന്നവർക്കെതിരെ നടപടിയെടുക്കാനൊരുങ്ങി മന്ത്രാലയം

ദോഹ: പരിസ്ഥിതി, പൊതു ശുചിത്വ നിയമങ്ങൾ ലംഘിക്കുന്നവർക്കെതിരെ ആവശ്യമായ നിയമനടപടികൾ സ്വീകരിക്കുന്നതിന് മുനിസിപ്പാലിറ്റി മന്ത്രാലയവുമായി ഏകോപിപ്പിച്ച് പരിസ്ഥിതി, കാലാവസ്ഥാ വ്യതിയാന മന്ത്രാലയം പ്രവർത്തിക്കുന്നു.

“നമുക്ക് നമ്മുടെ കടൽത്തീരങ്ങൾ വൃത്തിയായും പരിസ്ഥിതി സുരക്ഷിതമായും സൂക്ഷിക്കാം. ദയവായി പൊതുവായ ശുചിത്വം പാലിക്കുക, കരി മണലിൽ നേരിട്ട് കത്തിക്കരുത്, പ്രത്യേക പാത്രങ്ങളിൽ സുരക്ഷിതമായ രീതിയിൽ ഗ്രിൽ ചെയ്ത ശേഷം കരിയുടെ അവശിഷ്ടങ്ങൾ നീക്കം ചെയ്യുക.” മന്ത്രാലയം ട്വീറ്റ് ചെയ്തു.

അതേസമയം, ഖത്തറിലെ പരിസ്ഥിതി അവബോധത്തിന്റെ ഭാഗമായി ഭീമൻ ബലൂൺ പരേഡിൽ “തിമിംഗല സ്രാവിനെ” തിരഞ്ഞെടുത്തതിന് കോർണിഷിലെ ഈദ് ഫെസ്റ്റിവൽ സംഘാടകർക്ക് പരിസ്ഥിതി, കാലാവസ്ഥാ വ്യതിയാന മന്ത്രാലയം നന്ദി അറിയിച്ചു.