ഖോർ അൽ അദായിദ് പ്രദേശത്ത് കണ്ടെത്തിയ മത്സ്യങ്ങൾ ചത്തൊടുങ്ങുന്നതിനെക്കുറിച്ചുള്ള റിപ്പോർട്ടുകളോട് പ്രതികരിച്ചതായി പരിസ്ഥിതി, കാലാവസ്ഥാ വ്യതിയാന മന്ത്രാലയം (MoECC) 2022 ഓഗസ്റ്റ് 16-ന് ട്വിറ്ററിൽ അറിയിച്ചു.
പരിസ്ഥിതി, കാലാവസ്ഥാ വ്യതിയാന മന്ത്രാലയം പ്രതിനിധീകരിക്കുന്ന മോണിറ്ററിംഗ് ആന്റ് നേച്ചർ റിസർവ് ഡിപ്പാർട്ട്മെന്റ്, മത്സ്യങ്ങൾ ചത്തൊടുങ്ങുന്ന പ്രതിഭാസം പിന്തുടരുന്നതിന് ഉടനടി അടിയന്തിരമായി ഇടപെട്ടു. ഒരു കൂട്ടം വിദഗ്ധർ മത്സ്യത്തിന്റെ സാമ്പിളുകൾ ലബോറട്ടറിയിലേക്ക് കൊണ്ടുപോയി, മത്സ്യം ചത്തതിന് പിന്നിലെ കാരണങ്ങൾ പഠിക്കുകയും അന്വേഷിക്കുകയും ചെയ്തിട്ടുണ്ട്.
സമുദ്രജലത്തിന്റെ ഉയർന്ന താപനില കാരണം ഈ കാലയളവിൽ മത്സ്യങ്ങൾ ചത്തൊടുങ്ങാൻ സാധ്യതയുണ്ടെന്ന് മന്ത്രാലയം ചൂണ്ടിക്കാട്ടുന്നു.
Content Highlights : Ministry responds to phenomenon of fish deaths in Khor Al Adaid