ദോഹ: ഈദ് അൽ-അദാ ദിവസത്തെ തങ്ങളുടെ പ്രവർത്തി സമയം പ്രഖ്യാപിച്ച് ഹമദ് മെഡിക്കൽ കോർപ്പറേഷൻ (എച്ച്എംസി).
ഈ സമയങ്ങളിൽ എച്ച്എംസി ആശുപത്രികളുടെ ശൃംഖലയിലുടനീളമുള്ള എല്ലാ അത്യാഹിത വിഭാഗങ്ങളും സേവനങ്ങളും പതിവുപോലെ പ്രവർത്തിക്കും. പീഡിയാട്രിക് എമർജൻസി സെന്ററുകളും പതിവു പോലെ പ്രവ്രർത്തിക്കുന്നതാണ്. അടിയന്തിര വൈദ്യസഹായം ആവശ്യമുള്ള ആളുകൾക്കായി എച്ച്എംസി ആംബുലൻസ് സേവനവും മാറ്റമില്ലാതെ പ്രവർത്തിക്കും. ഇൻപേഷ്യന്റ് യൂണിറ്റുകളും പതിവുപോലെ 24 മണിക്കൂറും പ്രവർത്തിക്കുന്നത് തുടരും.
നെസ്മാക് ഹമാദ് പേഷ്യന്റ് കോൺടാക്റ്റ് സെന്റർ ജൂലൈ 30 മുതൽ ഓഗസ്റ്റ് 1 വരെ അടച്ചിരിക്കും, ഓഗസ്റ്റ് 2 ന് രാവിലെ 7 ന് വീണ്ടും തുറക്കും. അപ്പോയിന്റ്മെൻറുകൾ ഷെഡ്യൂൾ ചെയ്യുന്നതിന്, രോഗികൾക്ക് പ്രവർത്തന സമയങ്ങളിൽ 16060 ൽ ഹമദ് കസ്റ്റമർ സർവീസ് സെന്ററുമായി (നെസ്മാക്) ബന്ധപ്പെടാം. അപ്പോയിന്റ്മെന്റ് മാറ്റാൻ ഉള്ളവർക്കും 16060 എന്ന നമ്പറിൽ നെസ്മാക്കിനെ വിളിക്കാം.
അടിയന്തിര കൺസൾട്ടേഷൻ സേവനം (16000) ജൂലൈ 30 ന് ഓഗസ്റ്റ് 1 വരെ അടച്ച് ഓഗസ്റ്റ് 2 ന് രാവിലെ 8 മുതൽ ഉച്ചകഴിഞ്ഞ് 3 വരെ വീണ്ടും തുറക്കും. ഓഗസ്റ്റ് 9 ന് സേവനം സാധാരണ പ്രവർത്തന സമയത്തിലേക്ക് മടങ്ങും.
ഫാർമസി ഹോം ഡെലിവറി സേവനം ജൂലൈ 30 ന് ഓഗസ്റ്റ് 1 വരെ പ്രവർത്തിക്കില്ല. ഓഗസ്റ്റ് 2 ന് രാവിലെ 9 മുതൽ ഉച്ചകഴിഞ്ഞ് 3 വരെ സേവനം വീണ്ടും തുറക്കും. ഓഗസ്റ്റ് 9 ന് സാധാരണ പ്രവർത്തന സമയം പുനരാരംഭിക്കും.
മാനസികാരോഗ്യ ഹെൽപ്പ്ലൈൻ ജൂലൈ 30 വ്യാഴാഴ്ച അടയ്ക്കുകയും ഓഗസ്റ്റ് 2 ന് രാവിലെ 8 മുതൽ ഉച്ചകഴിഞ്ഞ് 3 വരെ സേവനങ്ങൾ പുനരാരംഭിക്കുകയും ചെയ്യും. ഓഗസ്റ്റ് 9 ന് പൂർണ്ണ പ്രവർത്തന സമയം പുനരാരംഭിക്കും.
English summary; HMC Qatar declared their working schedule on Eid Al Adha holidays on Tuesday