ദോഹ: അൽ ഖോർ, അൽ തഖിറ മുനിസിപ്പാലിറ്റി ഈ വർഷം ആദ്യ പകുതിയിൽ 4,267 പരിശോധനകൾ നടത്തി.
നിയമം ലംഘിച്ചെന്ന് കണ്ടെത്തിയ 16 കടകളും അടച്ചുപൂട്ടി.
ഈ കാലയളവിൽ, ഉദ്യോഗസ്ഥർ മുനിസിപ്പാലിറ്റിയുടെ അബോട്ടോയിറുകളിൽ വിവിധ ഭക്ഷണശാലകളിൽ പാകം ചെയ്യാൻ തയ്യാറാക്കി വച്ച ഇറച്ചിയുടെ 13,722 സാമ്പിളുകൾ ശേഖരിച്ച് പരിശോധിച്ചിരുന്നു. ഇതിൽ 241ഉം ഭക്ഷ്യയോഗ്യമല്ലെന്ന് കണ്ടെത്തി നശിപ്പിച്ചു.
മത്സ്യ മാർക്കറ്റിലും ഇതുപോലെ പരിശോധനകൾ നടത്തി മനുഷ്യ ഉപഭോഗത്തിന് യോഗ്യമല്ലാത്തതായി കണ്ടെത്തിയ 4,000 കിലോ മീൻ നശിപ്പിക്കുകയും ചെയ്തിരുന്നു.
ഹെൽത്ത് മോണിറ്ററിംഗ് വിഭാഗത്തിലെ ഹെൽത്ത് ഇൻസ്പെക്ടർമാർ 997,000 പെട്ടി പച്ചക്കറികളും പഴങ്ങളും ഇതുവരെ പരിശോധിച്ചു.
ഈ വർഷം തുടക്കം മുതൽ ഇതുവരെ 105 ഓളം സാമ്പിളുകൾ കേന്ദ്ര ലബോറട്ടറിയിലേക്ക് അയച്ചു.
അതേസമയം, 36 പരാതികളാണ് വകുപ്പിന് ഇതുവരെ ലഭിച്ചത്. പരാതികളിന്മേൽ ആവശ്യമായ നടപടിക്രമങ്ങൾ സ്വീകരിക്കുകയും ചെയ്തിട്ടുണ്ട്.