സോമാലിയയിൽ 2.7 മില്യൺ റിയാൽ ചെലവിൽ 50 ജല പദ്ധതികൾ നടപ്പാക്കിയതായി ഖത്തർ ചാരിറ്റി (ക്യുസി) പ്രഖ്യാപിച്ചു.
ഹിർഷബെല്ലെ, ഗാൽമുഡഗ് സംസ്ഥാനങ്ങളിലാണ് ഈ വർഷംഈ പദ്ധതികൾ നടപ്പിലാക്കിയത്. അതിൽ ശുദ്ധമായ കുടിവെള്ളത്തിനും പ്രാദേശിക സമൂഹങ്ങളുടെ ആവശ്യങ്ങൾ നിറവേറ്റുന്നതിനുമായി 50 കിണർ കുഴിക്കുന്നത് ഉൾപ്പെടുന്നു.
ഖത്തർ ചാരിറ്റി, ഇത്തരം പദ്ധതികൾ നടപ്പിലാക്കുന്നതിലൂടെ, വരൾച്ചയുടെ പ്രത്യാഘാതങ്ങൾ ലഘൂകരിക്കാനും പരിസ്ഥിതിയെ സംരക്ഷിക്കാനും മലിനമായ വെള്ളം മൂലമുണ്ടാകുന്ന രോഗങ്ങളും പകർച്ചവ്യാധികളും കുറയ്ക്കാനും ലക്ഷ്യമിടുന്നു.
ആവർത്തിച്ചുള്ള വരൾച്ചയും വെള്ളപ്പൊക്കവും ബാധിച്ചവർക്കായി സൊമാലിയൻ ഊർജ-ജല മന്ത്രാലയവുമായി സഹകരിച്ച് ഖത്തർ നിരവധി ജല പദ്ധതികൾ നടപ്പാക്കിയിട്ടുണ്ട്, ജലകിണറുകൾ കുഴിക്കുന്നതിലും ജലസംഭരണ സ്റ്റേഷനുകൾ നിർമ്മിക്കുന്നതിലും പഴയ കിണറുകൾ പരിപാലിക്കുന്നതിലും ആധുനിക സൗരോർജ്ജ പമ്പുകൾ സ്ഥാപിക്കുന്നതിലും സഹകരിക്കുന്നതിന് സംയുക്ത ധാരണാപത്രത്തിൽ ഒപ്പുവച്ചു.
Content Highlights: 50 water projects worth QR 2.7 million implemented in Somalia by Qatar Charity