പ്രവർത്തനമികവ് അറിയുന്നതിനായി നടത്തിയ ഒരു സർവേയോട് പ്രതികരിച്ചവരിൽ ഭൂരിഭാഗവും ഖത്തറിന്റെ 999 എമർജൻസി സെർവീസിന്റെ പ്രതികരണത്തെ ‘മികച്ചത്’ എന്ന് വിശേഷിപ്പിച്ചു.
ആഭ്യന്തര മന്ത്രാലയത്തിന്റെ വെബ്സൈറ്റിൽ ‘999 എമർജൻസി സർവീസ് റെസ്പോൺസ്’ സംബന്ധിച്ച സർവേയിൽ, 79 ശതമാനം ആളുകൾ ഈ സേവനത്തെ ‘മികച്ചത്’ എന്ന് വിശേഷിപ്പിച്ചപ്പോൾ, ഓൺലൈൻ സർവേയിൽ പങ്കെടുത്ത 13 ശതമാനം പേർ ‘നല്ലത്’ എന്ന് പ്രതികരണമറിയിച്ചു.
1,023 പേർ (79%പേർ) 999 എമർജൻസി സർവീസിന്റെ പ്രതികരണം മികച്ചതാണെന്ന് കരുതുന്നു, 166 പേർ (13%) സേവനത്തിന്റെ പ്രതികരണം ‘നല്ലത്’ എന്ന് വിശേഷിപ്പിച്ചു. പ്രതികരിച്ചവരിൽ 4 ശതമാനം മാത്രമേ അത് ‘സ്വീകാര്യമാണ്’ എന്ന് കരുതുന്നുള്ളൂ.
ഈ വർഷം ജൂൺ-ജൂലൈ മാസങ്ങളിൽ ആഭ്യന്തര മന്ത്രാലയം കോവിഡ് -19 മുൻകരുതൽ നടപടികൾ നടപ്പിലാക്കുന്നതിനുള്ള മന്ത്രാലയത്തിന്റെ ശ്രമങ്ങളെക്കുറിച്ച് നടത്തിയ ഒരു സർവേയിൽ, പ്രതികരിച്ചവരിൽ 84 ശതമാനം ‘നടപ്പാക്കുന്നത് വളരെ നല്ലതാണെന്നും’ ഒൻപത് ശതമാനം പേർ ‘നല്ലത്’ എന്ന് പ്രഖ്യാപിക്കുകയും ചെയ്തു. ആ ഓൺലൈൻ സർവേയിൽ 3,627 പേർ പങ്കെടുത്തു.
999 എമർജൻസി സർവീസ് എല്ലാത്തരം അടിയന്തര കോളുകളും (തീ, അപകടങ്ങൾ, ആംബുലൻസ്, അലാറം മുന്നറിയിപ്പ്, വിവിധ തരത്തിലുള്ള പരാതികൾ) ബന്ധപ്പെട്ട വകുപ്പിലേക്ക് പെട്ടെന്നു തന്നെ കൈമാറുന്നു.
ഇത് മുഴുവൻ സമയവും പ്രവർത്തിക്കുകയും അറബിക്, ഇംഗ്ലീഷ്, ഫ്രഞ്ച്, ചൈനീസ്, ഫിലിപ്പിനോ, ഉർദു) എന്നീ ആറ് ഭാഷകളിലും കോളുകൾ സ്വീകരിക്കുന്നു. കേൾവി വൈകല്യമുള്ള ആളുകളിൽ നിന്ന് വീഡിയോ, എസ്എംഎസ് അല്ലെങ്കിൽ ഇ-മെയിൽ വഴി അടിയന്തിര കോളുകൾ സ്വീകരിക്കുകയും അവ കൈകാര്യം ചെയ്യുകയും ആവശ്യമായ സഹായം നൽകുകയും ചെയ്യുന്നു.