ഉത്തരാഫ്രിക്കൻ രാജ്യമായ ഈജിപ്തിന്റെ സമ്പദ്വ്യവസ്ഥ ഉക്രെയ്നിലെ യുദ്ധത്തിൽ തകർന്നതിനാൽ സഹായമെന്നോണം വരും കാലയളവിൽ ഈജിപ്തിൽ 5 ബില്യൺ ഡോളർ നിക്ഷേപിക്കാൻ ഖത്തർ പദ്ധതിയിടുന്നുവെന്ന് ഈജിപ്ത് വെളിപ്പെടുത്തി.
ഒരു പ്രധാന ഭക്ഷ്യ ഇറക്കുമതിക്കാരായ ഈജിപ്തിനെ റഷ്യ-ഉക്രൈൻ സംഘർഷം മൂലം വർധിച്ച റെക്കോർഡ് ധാന്യവില ബാധിച്ചു. ഈജിപ്ത് റഷ്യയിൽ നിന്നും ഉക്രെയ്നിൽ നിന്നുമാണ് ഗോതമ്പിന്റെ ഭൂരിഭാഗവും വാങ്ങുന്നത്. കൂടാതെ റഷ്യൻ സന്ദർശകർ ഈജിപ്തിന്റെ ടൂറിസം വിപണിയുടെ ഗണ്യമായ അനുപാതം പങ്കിടുന്നു.
അബുദാബി വെൽത്ത് ഫണ്ട് എഡിക്യു ഈ മാസം ആദ്യം ഈജിപ്ഷ്യൻ സർക്കാർ ഉടമസ്ഥതയിലുള്ള ഓഹരികൾ വാങ്ങുന്നതിനായി ഏകദേശം 2 ബില്യൺ ഡോളറിന്റെ ഇടപാട് നടത്തിയതിന് പിന്നാലെയാണ് ഖത്തറുമായുള്ള കരാർ.
ഏറ്റവും ജനസംഖ്യയുള്ള അറബ് രാഷ്ട്രം വായ്പ ഉൾപ്പെടെ അന്താരാഷ്ട്ര നാണയ നിധിയിൽ നിന്നും പിന്തുണ തേടുന്നുണ്ട്.