ബലിപെരുന്നാൾ ഔദ്യോഗിക അവധികൾ പ്രഖ്യാപിച്ച് അമീരി ദിവാൻ

ദോഹ: ഈദ് അൽ അദ്ഹയുടെ ഔദ്യോഗിക അവധികൾ അമീരി ദിവാൻ പ്രഖ്യാപിച്ചു. മന്ത്രാലയങ്ങൾ, മറ്റ് സർക്കാർ സ്ഥാപനങ്ങൾ, പൊതു സ്ഥാപനങ്ങൾ എന്നിവയുടെ അവധികൾ 2022 ജൂലൈ 10 ഞായറാഴ്ച ആരംഭിച്ച് 2022 ജൂലൈ 14 വ്യാഴാഴ്ച അവസാനിക്കുമെന്ന് അറിയിപ്പിൽ പ്രസ്താവിച്ചു. ജീവനക്കാർ 2022 ജൂലൈ 17 ഞായറാഴ്ച ജോലി പുനരാരംഭിക്കും.

ഖത്തർ സെൻട്രൽ ബാങ്ക് (ക്യുസിബി), ക്യുസിബി, ഖത്തർ ഫിനാൻഷ്യൽ മാർക്കറ്റ്സ് അതോറിറ്റി (ക്യുഎഫ്എംഎ) എന്നിവയുടെ മേൽനോട്ടത്തിൽ പ്രവർത്തിക്കുന്ന ബാങ്കുകൾക്കും ധനകാര്യ സ്ഥാപനങ്ങൾക്കും വേണ്ടി, ഖത്തർ സെൻട്രൽ ബാങ്ക് ഗവർണർ അവധിയുടെ തുടക്കവും അവസാനവും വ്യക്തമാക്കും.

Content Highlights : Amiri Diwan announces Eid Al Adha holidays