ലോകകപ്പിൽ ആദ്യമത്സരത്തിനു മുൻപേ ഒരാഴ്ചയ്ക്കുള്ളിൽ ചില കളിക്കാർ പൂർണ ഫിറ്റല്ലാത്തതിനാൽ അർജന്റീന സ്ക്വാഡിൽ മാറ്റമുണ്ടാകുമെന്ന് യുണൈറ്റഡ് അറബ് എമിറേറ്റ്സിനെതിരായ സൗഹൃദ മത്സരത്തിൽ 5-0ന് വിജയിച്ചതിന് ശേഷം പരിശീലകൻ ലയണൽ സ്കലോനി പറഞ്ഞു.
അബുദാബിയിൽ നടന്ന അർജന്റീനയുടെ അവസാന സന്നാഹ മത്സരത്തിൽ ഡിഫൻഡർ ക്രിസ്റ്റ്യൻ റൊമേറോയും ഫോർവേഡുകളായ നിക്കോളാസ് ഗോൺസാലസ്, അലജാൻഡ്രോ ഗോമസ്, പൗലോ ഡിബാല എന്നിവരും പുറത്തായിരുന്നു. നാലുപേരും “ചില അസ്വസ്ഥതകൾ” അനുഭവപ്പെട്ടതിനെ തുടർന്ന് സുഖം പ്രാപിച്ചു വരികയാണ്, കോച്ച് പറഞ്ഞു.
“ഞങ്ങൾക്ക് കുറച്ച് പ്രശ്നങ്ങളുണ്ട്, ലിസ്റ്റ് തീരുമാനിക്കാൻ ഞങ്ങൾക്ക് ദിവസങ്ങളുണ്ട് … ഞങ്ങൾക്ക് മാറ്റാൻ കഴിയും, മാറ്റാതിരിക്കാനാവണം എന്നാണ് പ്രതീക്ഷിക്കുന്നത്., പക്ഷേ അതിനു ഒരു സാധ്യതയുണ്ട്,” സ്കലോനി മാധ്യമപ്രവർത്തകരോട് പറഞ്ഞു.
“അവരെ പട്ടികയിൽ നിന്ന് ഒഴിവാക്കുമെന്ന് ഞാൻ പറയുന്നില്ല, കളിക്കാൻ യോഗ്യരല്ലാത്തതിനാലോ അപകടസാധ്യതയുള്ളതിനാലോ ഇന്ന് ടീമിൽ നിന്ന് ഒഴിവാക്കപ്പെട്ട, സുഖമില്ലാത്ത കളിക്കാരുണ്ട്.
“ഞങ്ങൾ ജാഗ്രത പാലിക്കണം, കാരണം അവരെ ഒഴിവാക്കിയതിന് ഒരു കാരണമുണ്ട്.” സ്കലോണി പറഞ്ഞു.
ലോകകപ്പ് ടീമുകൾക്ക് അവരുടെ ഉദ്ഘാടന മത്സരത്തിന് 24 മണിക്കൂർ മുമ്പ് പരിക്കോ അസുഖമോ ഉള്ള കളിക്കാരെ അവരുടെ ടീമിൽ മാറ്റാമെന്ന് ഫിഫ നിയമങ്ങൾ പറയുന്നു.
ഗ്രൂപ്പ് സിയിൽ മെക്സിക്കോയെയും പോളണ്ടിനെയും നേരിടുന്നതിന് മുമ്പ് അർജന്റീന നവംബർ 22 ന് സൗദി അറേബ്യയ്ക്കെതിരെ അവരുടെ ലോകകപ്പ് കാമ്പെയ്ൻ ആരംഭിക്കുന്നു.
Content Highlights: Argentina’s World Cup squad could change, says Scaloni