ദോഹ: 40 വിവിധ മെഡിക്കൽ ക്ലിനിക്കുകളിലൂടെ പ്രതിദിനം 600 ഓളം രോഗികൾക്ക് സേവനം നൽകാൻ കഴിയുന്ന ബിൽഡിംഗ് പ്രോജക്ട്സ് ഡിപ്പാർട്ട്മെന്റിന്റെ ഉമ്മുൽ സെനീം ഹെൽത്ത് സെന്ററിന്റെ പ്രധാന ജോലികൾ പൂർത്തിയാക്കിയതായി പൊതുമരാമത്ത് അതോറിറ്റി (അഷ്ഘൽ) അറിയിച്ചു.
27,600 ചതുരശ്ര മീറ്റർ വിസ്തൃതിയിലാണ് ഉമ്മുൽ സെനീം ഹെൽത്ത് സെന്റർ സ്ഥിതി ചെയ്യുന്നത്. മസ്ജിദ്, സപ്പോർട്ട് സർവീസ് ബിൽഡിംഗ്, ഗാർഡ് ബിൽഡിംഗ്, സൂപ്പർവൈസറി വർക്കേഴ്സ് റൂം, എംഇപി മെയിന്റനൻസ് സെന്റർ, തുടങ്ങിയ ചില അനുബന്ധ കെട്ടിടങ്ങൾ കൂടാതെ ആംബുലൻസ് ഗാരേജും 297 പാർക്കിംഗ് സ്ലോട്ടുകളും എല്ലാ ക്ലിനിക്കുകളും ഉൾക്കൊള്ളുന്ന രണ്ട് തലങ്ങളുള്ള ഒരു പ്രധാന കെട്ടിടവും ഇതിൽ ഉൾപ്പെടുന്നു.
അൽ ഖോർ ഹെൽത്ത് സെന്റർ, അൽ വക്ര സൗത്ത് ഹെൽത്ത് സെന്റർ, അൽ സദ്ദ് ഹെൽത്ത് സെന്റർ, അൽ മഷാഫ് ഹെൽത്ത് സെന്റർ, ഉമ്മുൽ സെനീം ഹെൽത്ത് സെന്റർ എന്നിങ്ങനെ അഞ്ച് പുതിയ ആരോഗ്യ കേന്ദ്രങ്ങളുടെ നിർമാണം ഉൾപ്പെടെ ആറ് പുതിയ ആരോഗ്യ പദ്ധതികൾ 2018ൽ അഷ്ഘൽ നടപ്പാക്കി. പ്രതിദിനം ഏകദേശം 3500 സന്ദർശകർ വരുന്ന നാഷണൽ ഹെൽത്ത് ലബോറട്ടറീസ് കെട്ടിടം പണിയുന്നതിനു പുറമേ ആറ് പ്രോജക്റ്റുകളുടെയും മൊത്തം മൂല്യം ഏകദേശം ഒരു ബില്യൺ ഖത്തർ റിയാലാണ്.