ദോഹ: ലോകകപ്പ് 2022-ന്റെ 100 ദിവസത്തെ കൗണ്ട്ഡൗണിന്റെ ഭാഗമായി, സുപ്രീം കമ്മിറ്റി ഫോർ ഡെലിവറി ആൻഡ് ലെഗസി (എസ്സി) ആരാധകർക്ക് അൽ ബൈത്ത് സ്റ്റേഡിയത്തിൽ നടക്കുന്ന ഉദ്ഘാടന മത്സരത്തിന് ടിക്കറ്റ് നേടാനുള്ള അവസരം നൽകുന്നു.
ഖത്തറിലെ ആരാധകർക്ക് ഓഗസ്റ്റ് 11 മുതൽ 13 വരെ നടക്കുന്ന ആഘോഷങ്ങളിൽ പങ്കെടുക്കാം, ഖത്തറും ഇക്വഡോറും തമ്മിലുള്ള ഉദ്ഘാടന മത്സരത്തിലേക്ക് കാറ്റഗറി 1 ടിക്കറ്റുകൾ നേടാനുള്ള അവസരത്തിനായി അൽ ബൈത്ത് സ്റ്റേഡിയത്തിൽ നടക്കുന്ന ഉദ്ഘാടന മത്സരത്തിൽ പങ്കെടുക്കാമെന്ന് സുപ്രീം കമ്മിറ്റി വ്യക്തമാക്കി.
രാജ്യത്തെ വിവിധ മാളുകളിൽ ആഘോഷങ്ങൾ സംഘടിപ്പിക്കുന്നു, അതിൽ രസകരമായ ഗെയിമുകളും ഷോകളും പ്രകടനങ്ങളും ഉൾപ്പെടുന്നു, ഒപ്പം ആരാധകർക്ക് അവരുടെ ഫുട്ബോൾ കഴിവുകൾ പരീക്ഷിക്കുന്നതിനുള്ള അവസരവും നൽകുന്നു.
ദോഹ ഫെസ്റ്റിവൽ സിറ്റിയിൽ ഓഗസ്റ്റ് 11 മുതൽ 13 വരെ ഉച്ചയ്ക്ക് 1 മണി മുതൽ രാത്രി 10 മണി വരെയും, പ്ലേസ് വെൻഡോമിൽ അതേ ദിവസങ്ങളിൽ ഉച്ച മുതൽ രാത്രി 10 മണി വരെയുമായിരിക്കും പരിപാടികൾ. അതേസമയം, മാൾ ഓഫ് ഖത്തർ ഓഗസ്റ്റ് 12, 13 തീയതികളിൽ ഉച്ച മുതൽ രാത്രി 10 വരെ ആഘോഷങ്ങൾ സംഘടിപ്പിക്കും, അതിൽ അവസാന ദിനത്തിലെ 100 ഡേയ്സ് ടു ഗോ ഗ്രാൻഡ് ഫിനാലെയും ഉൾപ്പെടുന്നു.
100DaysToGo എന്ന ഹാഷ്ടാഗ് ഉപയോഗിച്ച് ചിത്രങ്ങൾ എടുത്ത് സോഷ്യൽ മീഡിയയിലേക്ക് അപ്ലോഡ് ചെയ്തുകൊണ്ട് ആഘോഷിക്കാൻ സുപ്രീം കമ്മിറ്റി ആരാധകരോട് അഭ്യർത്ഥിച്ചു. ഖത്തറിലെ താമസക്കാർക്ക് മാത്രമേ പങ്കാളിത്തം ലഭ്യമാവൂ എന്നും കൂട്ടിച്ചേർത്തു.
Content Highlights : Celebrate and win tickets for Qatar 2022 World Cup opening match