എംബസികളുമായുള്ള ബന്ധം ഇനി ഈ ആപ്പുവഴിയാക്കാം

ദോഹ: നിങ്ങൾക്ക് നിങ്ങളുടെ എംബസിയുമായി ഇനി സുരക്ഷിതമായി ബന്ധപ്പെടാം. ഇതിനായി മന്ത്രാലയത്തിന്റെ ആപ്ലിക്കേഷന്റെ ഉപയോഗത്തെ പ്രോത്സാഹിപ്പിക്കുകയാണ് ഖത്തര്‍ വിദേശകാര്യ മന്ത്രാലയം. പ്രവാസികൾക്കും വിദേശത്തിലുള്ള ഖത്തറി പൗരന്മാര്‍ക്കും ഈ സംവിധാനം ഉപയോഗപ്പെടുത്താം.

കോവിഡ് വ്യാപനം തടയുന്നതിനായി സാധ്യമായ എല്ലാ സംവിധാനങ്ങളും ഉപയോഗിച്ചുവരികയാണ് മന്ത്രാലയം. ‘നിങ്ങളുടെ സുരക്ഷയാണ് എന്റെ സുരക്ഷ’ എന്ന ആപ്തവാക്യത്തിലധിഷ്ഠിതമായ പ്രവർത്തനങ്ങളാണ് മന്ത്രാലയം മുന്നോട്ട് വെക്കുന്നത്.

മന്ത്രാലയത്തിന്റെ അപ്ലിക്കേഷൻ ഡൗണ്‍ലോഡ് ചെയ്യുന്നതുവഴി യാത്രാ നിർദേശങ്ങളും അധികൃതരെ ബന്ധപ്പെടാനുള്ള നമ്പറുകളും മറ്റു പ്രധാനപ്പെട്ട വിവരങ്ങളും ലഭ്യമാവും. ആൻഡ്രോയിഡ്, ഐ ഒ എസ് ഫോണുകളിൽ ഈ ആപ്ലിക്കേഷൻ ലഭ്യമാണ്.