എയർപോർട്ട് കാർഗോ പ്രവർത്തനങ്ങൾ 13.10% വർദ്ധിച്ചുവെന്നും 2,542,426 ടൺ കാർഗോ കൈകാര്യം ചെയ്തുവെന്നും ദേശീയ എയർലൈൻ 2021/22 ലെ വാർഷിക റിപ്പോർട്ടിൽ ചൂണ്ടിക്കാണിക്കുന്നു.
ഹമദ് ഇന്റർനാഷണൽ എയർപോർട്ട് (എച്ച്ഐഎ) 2021/22 ൽ മൊത്തം 22,124,322 യാത്രക്കാർക്ക് സേവനം നൽകി. മുൻ സാമ്പത്തിക വർഷത്തെ അപേക്ഷിച്ച് 220.14% വർദ്ധനവാണുണ്ടായിരിക്കുന്നത്.
എയർപോർട്ട് കാർഗോ പ്രവർത്തനങ്ങളും 13.10% വർദ്ധിക്കുകയും 2,542,426 ടൺ ചരക്ക് കൈകാര്യം ചെയ്യുകയും ചെയ്തു.
181,308 പറക്കലിലൂടെ എയർക്രാഫ്റ്റ് ടേക്ക് ഓഫിലും ലാൻഡിംഗിലും എച്ച്ഐഎ വളർച്ചയ്ക്ക് സാക്ഷ്യം വഹിച്ചു. കഴിഞ്ഞ വർഷത്തെ അപേക്ഷിച്ച് 54.5% വർദ്ധനവാണ് സംഭവിച്ചിരിക്കുന്നതെന്ന് 2021/22 ലെ വാർഷിക റിപ്പോർട്ടിൽ ഖത്തർ എയർവേസ് പറഞ്ഞു.
ഖത്തർ എയർവേയ്സ് ഗ്രൂപ്പിന്റെ കോർപ്പറേറ്റ് ഉപസ്ഥാപനമാണ് ഖത്തർ കമ്പനി ഫോർ എയർപോർട്ട് മാനേജ്മെന്റ് ആൻഡ് ഓപ്പറേഷൻ.
2021 ഏപ്രിലിനും 2022 മാർച്ചിനുമിടയിൽ ഹമദ് ഇന്റർനാഷണൽ എയർപോർട്ടിൽ നിന്നും മൊത്തം 171 ലക്ഷ്യസ്ഥാനങ്ങളിലേക്ക് സർവീസ് നടത്തി. ഈ സാമ്പത്തിക വർഷത്തിൽ ഒമ്പത് പുതിയ യാത്രാ കേന്ദ്രങ്ങളും രണ്ട് പുതിയ എയർലൈൻ പങ്കാളികളും അവതരിപ്പിച്ചു.
ധാക്ക, ഹീത്രൂ, ദുബായ്, കാഠ്മണ്ഡു, മാലെ എന്നിവ വിമാനത്താവളത്തിൽ നിന്ന് പുറപ്പെടുന്ന ഏറ്റവും തിരക്കേറിയ സ്ഥലങ്ങളിൽ ഉൾപ്പെടുന്നു.
ഹമദ് ഇന്റർനാഷണൽ എയർപോർട്ടിന്റെ വിപുലീകരണം ഖത്തറിന്റെ ഭാവിയിലേക്കുള്ള നിക്ഷേപമാണ്. ലോകോത്തര കലാ ശേഖരങ്ങൾ, സമൃദ്ധമായ പച്ചപ്പുകൾ, സമകാലിക റീട്ടെയിൽ, ഡൈനിംഗ് ആശയങ്ങൾ എന്നിവ സമന്വയിപ്പിച്ചുകൊണ്ട് മൾട്ടി-ഡൈമൻഷണൽ ഓഫറുകൾ എയർപോർട്ടിന്റെ സേവനനിലവാരം മെച്ചപ്പെടുത്തുന്നു.
Content Highlights: HIA serves 22mn-plus passengers in 2021-22