ഇന്തോനേഷ്യയെ ഞെട്ടിച്ച് ഇന്ത്യൻ ബാഡ്മിന്റൺ ടീം, കന്നി തോമസ് കപ്പ്‌ കിരീടം ഇന്ത്യക്ക്

ബാങ്കോക്ക്: ഞായറാഴ്ച നടന്ന ഫൈനലിൽ 14 തവണ ചാമ്പ്യന്മാരായ ഇന്തോനേഷ്യയെ 3-0ന് തോൽപ്പിച്ച് ഇന്ത്യയുടെ പുരുഷ ബാഡ്മിന്റൺ ടീം തങ്ങളുടെ കന്നി തോമസ് കപ്പ് കിരീടം നേടി.

ആദ്യ സിംഗിൾസിൽ 8-21, 21-17, 21-16 എന്ന സ്‌കോറിന് ആന്റണി സിനിസുക ജിന്റിംഗിനെ ഞെട്ടിച്ച് ലക്ഷ്യ സെൻ ഇന്ത്യക്ക് വിജയത്തുടക്കം നൽകി.

മൊഹമ്മദ് അഹ്‌സൻ, കെവിൻ സഞ്ജയ സുകമുൽജോ എന്നിവർക്കെതിരെ സമാനമായ വിജയത്തിനായി സാത്വിക്‌സായിരാജ് രങ്കിറെഡ്ഡി ചിരാഗ് ഷെട്ടിയുമായി ചേർന്നു.

ജോനാഥൻ ക്രിസ്റ്റിയെ 21-15, 23-21 എന്ന സ്‌കോറിനു കിഡംബി ശ്രീകാന്ത് പരാജയപ്പെടുത്തിയതോടെ കിരീടം ഇന്ത്യക്ക് സ്വന്തമാവുകയായിരുന്നു.