കത്താറയിലെ ഫെസ്റ്റിവലുകളും പ്രദർശനങ്ങളും താത്കാലികമായി നിർത്തിവെച്ചു

ദോഹ: കൾച്ചറൽ വില്ലേജ് ഫൗണ്ടേഷൻ (കത്താറ) എല്ലാ പരിപാടികളും ഉത്സവങ്ങളും പ്രദർശനങ്ങളും താൽക്കാലികമായി നിർത്തിവച്ചതായി അറിയിച്ചു.

യുണൈറ്റഡ് അറബ് എമിറേറ്റ്സ് പ്രസിഡന്റ് ഷെയ്ഖ് ഖലീഫ ബിൻ സായിദ് അൽ നഹ്യാന്റെ മരണത്തിൽ അനുശോചിച്ച് എല്ലാ പരിപാടികളും ഉത്സവങ്ങളും എക്സിബിഷനുകളും റദ്ദാക്കിയതിന് കത്താറ സന്ദർശകരോട് ഞങ്ങൾ ക്ഷമ ചോദിക്കുന്നുവെന്ന് കത്താറ ജനറൽ മാനേജർ പ്രൊഫസർ ഡോ. ഖാലിദ് ബിൻ ഇബ്രാഹിം അൽ സുലൈത്തി ട്വിറ്ററിൽ പ്രസ്താവനയിൽ പറഞ്ഞു.

അമീരി ദിവാന്റെ അറിയിപ്പിൽ അമീർ ഖത്തറിൽ മൂന്ന് ദിവസത്തെ ദുഃഖാചരണം പ്രഖ്യാപിക്കുകയും പതാകകൾ പകുതി താഴ്ത്തിയിടുകയും ചെയ്തു.