ദോഹ: 2022 ഫിഫ ലോകകപ്പ് ഖത്തറിനോടനുബന്ധിച്ച് ഇതിനകം നടന്നുകൊണ്ടിരിക്കുന്ന നിരവധി പരിപാടികൾക്കൊപ്പം ഡിസംബർ 18 ന് ഖത്തറിന്റെ ദേശീയ ദിനം പ്രമാണിച്ച് കൂടുതൽ ആഘോഷ പരിപാടികൾക്കായി കത്താറയിലെ കൾച്ചറൽ വില്ലേജ് ഫൗണ്ടേഷൻ ഒരുങ്ങുന്നു.
ഡിസംബർ 14 മുതൽ 15 വരെ തുടർച്ചയായി രണ്ട് ദിവസം പ്രത്യേക പ്രകടനങ്ങളോടെ കത്താറ ദേശീയ ദിനം ആഘോഷിക്കും. തുടർന്ന് നാളെ മുതൽ ഞായറാഴ്ച വരെ പ്രദർശനം പുനരാരംഭിക്കും.
അതേസമയം, കത്താറ ബീച്ചിൽ ജോയിന്റ് സ്പെഷ്യൽ ഫോഴ്സിന്റെയും ഖത്തർ എയർ സ്പോർട്സ് കമ്മിറ്റിയുടെയും ശ്രദ്ധേയമായ പ്രകടനങ്ങളും പാരാട്രൂപ്പേഴ്സ്, പാരാമോട്ടർ ഷോകളും കാണികൾ സാക്ഷ്യം വഹിച്ചു. പൗരന്മാരുടെയും ലോകകപ്പ് ആരാധകരുടെയും പ്രശംസ നേടിയെടുത്ത മനോഹരവും ആകർഷണീയവുമായ പ്രദർശന രംഗങ്ങൾക്ക് പുറമേ കത്താറയുടെ ആകാശം മെറൂണിലും വെള്ളയിലും പ്രകാശിച്ചു.
ഇന്ന് മുതൽ ഞായറാഴ്ച വരെ കത്താറ കോർണിഷിൽ ഉച്ചകഴിഞ്ഞ് 3 മുതൽ രാത്രി 11 വരെ ഖത്തറി അർദ്ധ കലാപരിപാടികൾ സംഘടിപ്പിക്കും.
Content Highlights: Katara to hold National Day celebrations from tomorrow