വിദ്യാഭ്യാസത്തിനായി ലുലു ഹൈപ്പർമാർക്കറ്റ് സമാഹരിച്ച് നൽകിയത് 2 മില്യൺ റിയാൽ

ദോഹ: 2017 മുതൽ കുട്ടികളുടെ വിദ്യാഭ്യാസത്തിന് നൽകിയ ശ്രദ്ധേയമായ സംഭാവനകൾക്ക് അനുസൃതമായി, ലുലു ഹൈപ്പർമാർക്കറ്റ് 2 മില്യൺ സംഭാവന ശേഖരിച്ച് ഖത്തർ ഫൗണ്ടഷന്റെ ടുഗെദർ പ്രോജക്റ്റിന് നൽകി.

ഖത്തറിലെ വിവിധ കമ്മ്യൂണിറ്റി, സ്വകാര്യ സ്കൂളുകളിലുടനീളമുള്ള സ്കോളർഷിപ്പിലൂടെ രണ്ടായിരത്തിലധികം കുട്ടികൾക്ക് വിദ്യാഭ്യാസം ലഭ്യമാക്കുന്നതിന് ടുഗെദർ പദ്ധതി ഇതുവരെ സംഭാവന നൽകിയിട്ടുണ്ട്. ഔദ്യോഗിക ചടങ്ങിൽ, ഖത്തർ ഫൗണ്ടേഷന്റെയും ലുലു ഗ്രൂപ്പിന്റെയും പ്രതിനിധികൾ പങ്കെടുക്കുകയും ചെക്ക് കൈമാറുകയും ചെയ്തു.

2020 ഒക്ടോബർ മുതൽ രാജ്യത്തുടനീളമുള്ള ലുലു ഹൈപ്പർ മാർക്കറ്റ് സ്റ്റോറുകളിലെ സജീവ ഉപഭോക്തൃ സംഭാവനകളിലൂടെയാണ് ധനസമാഹരണം ലുലു ഗ്രൂപ്പ് നടത്തിയത്.