ദോഹ, ഖത്തർ: എറ്റവും പുതിയ ഫോർമുല 1 ഖത്തർ എയർവേയ്സ് ഖത്തർ ഗ്രാൻഡ് പ്രിക്സ് 2023 ന്റെ ട്രോഫി വേഗതയുടെയും സംസ്കാരത്തിന്റെയും കരകൗശലത്തിന്റെയും സമന്വയമാണ്. ലുസൈൽ ഇന്റർനാഷണൽ സർക്യൂട്ട് (എൽഐസി) ഖത്തർ ഗ്രാൻഡ് പ്രിക്സിന് ഔദ്യോഗിക ട്രോഫി സൃഷ്ടിക്കാൻ ഓട്ടോമൊബൈൽ വ്യവസായത്തിലെ ഐതിഹാസിക പ്രവർത്തനങ്ങൾക്ക് പേരുകേട്ട ഇറ്റാലിയൻ ഡിസൈൻ ആൻഡ് ആർക്കിടെക്ചറൽ സ്ഥാപനമായ പിനിൻഫാരിനയെയാണ് നിയോഗിച്ചത്.
ഫോർമുല 1 ന്റെ ചലനാത്മകതയിൽ നിന്ന് പ്രചോദനം ഉൾക്കൊണ്ട് പിനിൻഫരിന അടുത്തിടെ പുനർരൂപകൽപ്പന ചെയ്ത ലുസൈൽ ഇന്റർനാഷണൽ സർക്യൂട്ടിന്റെ (എൽഐസി) ഹൃദയം പിടിച്ചെടുക്കുന്ന ഒരു ട്രോഫിയാണ് തയ്യാറാക്കിയിരിക്കുന്നത്.
പിനിൻഫരിനയും എൽഐസിയും തമ്മിലുള്ള മൂന്ന് മാസത്തെ സഹകരണത്തിലൂടെയാണ് ട്രോഫിയുടെ വികസനവും ഉൽപ്പാദന പ്രക്രിയയും നടപ്പിലാക്കിയത്.
പരമ്പരാഗത സദു പരവതാനിയെ പ്രതിനിധീകരിക്കുന്ന ജ്യാമിതീയ ശൈലിയിലുള്ള ആഴവും പർപ്പിൾ റെസിൻ ഫലകവും ഉപയോഗിച്ച് ഖത്തറിലെ മണൽത്തിട്ടകളെ ഓർമിപ്പിക്കുന്ന വിദഗ്ധമായി രൂപകല്പന ചെയ്ത തിരമാല പോലുള്ള പാറ്റേണുകളും ട്രോഫിയെ വ്യത്യസ്തമാക്കുന്നു.
സാറ്റിൻ അലുമിനിയം ഫിനിഷ് ട്രോഫിയുടെ ചാരുത വർദ്ധിപ്പിക്കുന്നു, പിനിൻഫരിനയുടെ സിഗ്നേച്ചർ ശൈലി പ്രതിഫലിപ്പിക്കുന്നു.55 സെന്റീമീറ്റർ ഉയരമുള്ള ട്രോഫിക്ക് ഏകദേശം 3.6 കിലോഗ്രാം ഭാരമുണ്ട്.
പുതിയ ട്രോഫി ഖത്തർ ജിപി 2021-ൽ അവതരിപ്പിച്ചതിൽ നിന്നുള്ള ചില ഘടകങ്ങൾ നിലനിർത്തുന്നുണ്ടെങ്കിലും, ഖത്തറിന്റെ വളർന്നുവരുന്ന മോട്ടോർസ്പോർട്സ് സംസ്കാരത്തെക്കുറിച്ച് ഇത് വ്യതിരിക്തവും നൂതനവുമായ കാഴ്ചപ്പാട് നൽകുന്നു.
ലുസൈൽ ഇന്റർനാഷണൽ സർക്യൂട്ടിന്റെ ഐതിഹാസിക പശ്ചാത്തലത്തിൽ ഫോർമുല 1 ഖത്തർ എയർവേയ്സ് ഖത്തർ ഗ്രാൻഡ് പ്രിക്സ് 2023 ചാമ്പ്യൻമാർക്ക് ഈ അതുല്യമായ ട്രോഫി നൽകും.
Content Highlights: Lusail Circuit reveals F1 Qatar Grand Prix trophy