ദോഹ: കൊവിഡ്-19 ന്റെ വ്യാപനം തടയാൻ കമ്പനികൾ സ്വീകരിക്കേണ്ട ഏറ്റവും പ്രധാനപ്പെട്ട മുൻകരുതൽ നടപടികളിൽ ഒന്ന് ജോലിസ്ഥലങ്ങളും താമസസ്ഥലങ്ങളും പതിവായി വൃത്തിയാക്കുന്നതാണെന്ന് തൊഴിൽ മന്ത്രാലയം ഊന്നിപ്പറഞ്ഞു.
മേൽപ്പറഞ്ഞ മുൻകരുതൽ നടപടികൾ അവഗണിക്കുന്ന എല്ലാവർക്കും എതിരെ ആവശ്യമായ എല്ലാ നിയമ നടപടികളും സ്വീകരിക്കുമെന്ന് മന്ത്രാലയം ട്വിറ്ററിൽ അറിയിച്ചു.
തൊഴിലാളികളെ സംരക്ഷിക്കുന്നതിനും കൊറോണ വൈറസിന്റെ വ്യാപനം ലഘൂകരിക്കുന്നതിനുമായി സ്വീകരിച്ച നടപടികൾ നടപ്പിലാക്കുന്നതിൽ കമ്പനികളുടെ പ്രതിബദ്ധത നിരീക്ഷിക്കുന്നതിനായി മന്ത്രാലയം തൊഴിലാളികളുടെ പാർപ്പിടങ്ങളിലും ജോലിസ്ഥലങ്ങളിലും പരിശോധന ക്യാമ്പെയ്നുകൾ ആരംഭിച്ചിട്ടുണ്ട്.
പ്രതിരോധ, മുൻകരുതൽ നടപടികളെക്കുറിച്ച് മന്ത്രാലയം കമ്പനി ഉടമകൾക്ക് ബോധവൽക്കരണ സന്ദേശങ്ങൾ അയച്ചു.പ്രതിരോധ നടപടികൾ പാലിക്കുന്നുണ്ടെന്ന് ഉറപ്പാക്കാൻ ഇൻസ്പെക്ടർമാരുടെ ടീമുകളെ ചുമതലപ്പെടുത്തി.