ദോഹ, ഖത്തർ: ഇലക്ട്രോണിക് പേയ്മെന്റ് ഗേറ്റ്വേയായ ക്യൂപേ(QPAY)യുടെ നവീകരിച്ച വേർഷൻ ഖത്തർ സെൻട്രൽ ബാങ്ക് പ്രഖ്യാപിച്ചു.
ഏറ്റവും പുതിയ പതിപ്പ്, ഓൺലൈൻ പ്രാദേശിക വാങ്ങലുകൾ വേഗത്തിൽ പൂർത്തിയാക്കാൻ അനുവദിക്കുകയും വ്യാപാരികൾ നടത്തുന്ന ചെലവ് കുറയ്ക്കുകയും ചെയ്യുന്നു. ഇത് സുരക്ഷ വർദ്ധിപ്പിക്കുകയും സാമ്പത്തിക തട്ടിപ്പ് തടയുകയും ചെയ്യുന്നു.
സാമ്പത്തിക മേഖലയുടെ തന്ത്രത്തിനും രാജ്യത്തെ സാമ്പത്തിക മേഖലയെ സംഘടിപ്പിക്കാനും വികസിപ്പിക്കാനുമുള്ള ശാശ്വത ശ്രമത്തിനും അനുസൃതമായാണ് ലോഞ്ച് ചെയ്യുന്നതെന്ന് ക്യുസിബി അറിയിച്ചു.
പേയ്മെന്റ് സിസ്റ്റം ഇൻഫ്രാസ്ട്രക്ചറുകൾ വികസിപ്പിക്കുന്നതിനും പേയ്മെന്റ് സംവിധാനങ്ങളിലെയും ഇലക്ട്രോണിക് ഫണ്ട് ട്രാൻസ്ഫർ മേഖലയിലെയും ഏറ്റവും പുതിയ സംഭവവികാസങ്ങൾക്ക് അനുസൃതമായി മുന്നേറുന്നതിനുമുള്ള ഖത്തർ സെൻട്രൽ ബാങ്കിന്റെ ശ്രമങ്ങളുടെ ഭാഗമായാണ് ഈ ലോഞ്ച്.
Content Highlights: Qatar Central Bank announces upgraded version of QPAY