ദോഹ: അമേരിക്കൻ കമ്പനിയായ ക്വേക്കർ ബ്രാൻഡ് ഓട്സ് ഉൽപ്പന്നങ്ങളുടെ ഉപഭോഗത്തിനെതിരെ ഖത്തർ പൊതുജനാരോഗ്യ മന്ത്രാലയം മുന്നറിയിപ്പ് .ജനുവരി 9, മാർച്ച് 12, ജൂൺ 3, ഓഗസ്റ്റ് 2, സെപ്റ്റംബർ 1, അല്ലെങ്കിൽ ഒക്ടോബർ 1, 2024 എന്നീ തീയതികൾക്ക് മുമ്പ് ഉപയോഗിക്കേണ്ട (എക്സ്പയറി) ക്വേക്കർ ബ്രാൻഡ് ഓട്സ് ഉൽപന്നങ്ങളാണ് മന്ത്രാലയം ഉപയോഗിക്കുന്നതിൽ നിന്ന് വിലക്കിയത്.
സാൽമൊണെല്ല എന്ന രോഗകാരിയായ ബാക്ടീരിയയുടെ സാന്നിധ്യം മൂലമാണ് ക്വാക്കർ ഈ ഉൽപ്പന്നങ്ങൾ തിരിച്ചുവിളിച്ചതെന്ന് യുഎസ് ഫുഡ് ആൻഡ് ഡ്രഗ് അഡ്മിനിസ്ട്രേഷൻ (എഫ്ഡിഎ) പുറത്തിറക്കിയ പ്രസ്താവനയുടെ അടിസ്ഥാനത്തിലാണ് മുന്നറിയിപ്പ്.
സാൽമൊണെല്ല ഒരു രോഗകാരിയായ ബാക്ടീരിയയാണ്, ഇത് ഭക്ഷ്യവിഷബാധയ്ക്കും വയറിളക്കത്തിനും ഓക്കാനത്തിനും പുറമേ കടുത്ത വയറുവേദനയ്ക്കും കാരണമാകുന്നു.
വാങ്ങുന്ന അളവ് ഔട്ട്ലെറ്റിലേക്ക് തിരികെ നൽകാനോ ഉൽപ്പന്നത്തിന് സൂചിപ്പിച്ച കാലഹരണ തീയതികൾ ഉണ്ടെങ്കിൽ അവ നശിപ്പിക്കാനോ പൊതുജനാരോഗ്യ മന്ത്രാലയം ഉപഭോക്താക്കളോട് ആവശ്യപ്പെട്ടിട്ടുണ്ട്.
വാണിജ്യ, വ്യവസായ മന്ത്രാലയവുമായി സഹകരിച്ച് മന്ത്രാലയം മറ്റ് മുൻകരുതൽ നടപടികളും സ്വീകരിച്ചിട്ടുണ്ട്, ഈ ഉൽപ്പന്നം വിപണനം ചെയ്യുന്നത് നിർത്താനും വിപണിയിൽ നിന്ന് ഉടൻ പിൻവലിക്കാനും എല്ലാ വിതരണക്കാർക്കും ഉപഭോക്തൃ അസോസിയേഷനുകൾക്കും സർക്കുലർ അയച്ചു.
കൂടുതൽ മുൻകരുതൽ നടപടിയായി ബന്ധപ്പെട്ട കടകളിൽ ഇത്തരം സംശയാസ്പദമായ ഉൽപ്പന്നങ്ങൾ ഇല്ലെന്ന് പരിശോധിക്കാൻ മന്ത്രാലയം ഇൻസ്പെക്ടർമാർക്ക് നിർദ്ദേശം നൽകി.
Content Highlights: Qatar Health Ministry warns against consumption of Quaker Oats products