ദോഹ: ഔദ്യോഗികവും വിശ്വസനീയവുമായ ഇടങ്ങളിൽ നിന്നല്ലാതെ പുറത്തു വരുന്ന തൊഴിൽ വാർത്തകൾ ഒന്നും വിശ്വസിക്കരുതെന്ന മുന്നറിയിപ്പുമായി ഖത്തർ തൊഴിൽ മന്ത്രാലയം.
ഖത്തറിൽ തൊഴിൽ അവസരങ്ങളുണ്ടെന്ന തരത്തിൽ നിരവധി വ്യാജവാർത്തകളാണ് പ്രചരിക്കുന്നത്. ഇങ്ങനെ ഉറവിടം വ്യക്തമല്ലാത്ത വാർത്തകൾ വിശ്വസിക്കരുതെന്ന് ഖത്തര് തൊഴില് മന്ത്രാലയം അറിയിച്ചു.
ദിനേന നിരവധി കോളുകളും, എസ് എം എസുകളുമാണ് ഇത്തരക്കാർ ആളുകൾക്ക് അയക്കുന്നത്. ഇവയോടൊന്നും പ്രതികരിക്കരുതെന്ന് മന്ത്രാലയം കർശനമായി നിർദേശിച്ചിട്ടുണ്ട്.
തൊഴില് മന്ത്രാലയത്തിന്റെ ഔദ്യോഗിക വെബ്സൈറ്റ് ആയ http://adlsa.gov.qa വഴിയോ അല്ലെങ്കില് മന്ത്രാലയത്തിന്റെഔദ്യോഗിക ട്വിറ്റര് അക്കൗണ്ട് ആയ http://@ADLSAQa എന്നിവിടങ്ങളിൽ കൂടി സന്ദർശിച്ച് ഉറപ്പു വരുത്തണമെന്ന് മന്ത്രാലയം ആവർത്തിച്ചു.
English summary: Qatar ministry warns public against fraud job offers