ദോഹ: ഖത്തർ മന്ത്രാലയം നൽകുന്ന 93ഓളം സേവനങ്ങൾ ഇനി ഒറ്റ ആപ്ലിക്കേഷനിൽ ലഭ്യമാവും. ഈ സേവനങ്ങൾക്കായി ആളുകൾക്ക് ഇനി മുതൽ സർക്കാർ സേവന കേന്ദ്രങ്ങൾ സന്ദർശിക്കുന്നത് ഒഴിവാക്കാൻ കഴിയും.
“നിങ്ങളുടെ സുരക്ഷയാണ് എന്റെ സുരക്ഷ” എന്ന കാമ്പെയ്നുമായി ബന്ധപ്പെട്ടാണ് ഖത്തർ മുനിസിപ്പാലിറ്റി-പരിസ്ഥിതി മന്ത്രാലയം അധികൃതർ ഈ ആപ്ലിക്കേഷൻ അവതരിപ്പിച്ചിരിക്കുന്നത്. ‘ഔൻ’ (Oun) എന്നാണ് മൊബൈൽ ആപ്ലിക്കേഷന്റെ പേര്. എല്ലാ സ്മാർട്ട് ഫോണുകളിലും മറ്റു ഡിജിറ്റൽ ഉപകരണങ്ങളിലും ആപ്ലിക്കേഷൻ പ്രവർത്തിക്കും. പ്ലേ സ്റ്റോറിൽ നിന്നും, ആപ് സ്റ്റോറിൽ നിന്നും ഡൗൺലോഡ് ചെയ്യാൻ സാധിക്കും.
സർക്കാർ നൽകുന്ന 93ൽ പരം സേവനങ്ങൾ ഇനി ഈ ആപ്ലിക്കേഷൻ വഴി ലഭിക്കുന്നതാണ്. ആളുകൾ സേവന കേന്ദ്രങ്ങൾ നേരിട്ട് സന്ദർശിക്കുന്നത് ഇതിലൂടെ തടയാൻ കഴിയും.
English Summary: Qatar MME launches new mobile application ‘Oun’ to public access government services through online