ദോഹ: ഖത്തർ ജനറൽ ഓർഗനൈസേഷൻ ഫോർ സ്റ്റാൻഡേർഡ്സ് ആൻഡ് മെട്രോളജി (ക്യുഎസ്), ജനറൽ ഡയറക്ടറേറ്റ് ഓഫ് ട്രാഫിക്, ഖത്തർ എനർജി കൂടാതെ മറ്റ് നിരവധി പ്രസക്തമായ സ്ഥാപനങ്ങളുമായി സഹകരിച്ച് ബസുകളും ട്രക്കുകളും പരിസ്ഥിതി സൗഹൃദ, അൾട്രാലോ സൾഫർ ഡീസലിലേക്ക് മാറ്റുന്നതിന് ആവശ്യമായ ആവശ്യകതകൾ പൂർത്തീകരിക്കാനുള്ള ശ്രമത്തിലാണ് ഗതാഗത മന്ത്രാലയം.
2023-ൽ നിർമ്മിക്കുന്ന മോഡലുകൾ മുതൽ ഖത്തറിന്റെ എല്ലാ ബസുകളുടെയും ട്രക്കുകളുടെയും ഇറക്കുമതിയിൽ യൂറോ 5 ഡീസലിന് തുല്യമായ ശുദ്ധമായ ഡീസൽ ഇന്ധനം ഉപയോഗിക്കുന്നതിനുള്ള മന്ത്രാലയത്തിന്റെ നയത്തിന്റെ പശ്ചാത്തലത്തിലാണീ നീക്കം.
യൂറോ 5 ഡീസൽ രൂപകൽപ്പന ചെയ്തിരിക്കുന്നത് സൾഫർ രഹിത ഡീസൽ ആയാണ്. ഇത് കുറഞ്ഞ വാഹന ഉദ്വമനം പ്രോത്സാഹിപ്പിക്കുകയും പരിസ്ഥിതിക്ക് ദോഷകരമല്ലാത്തതുമാണ്.
രാജ്യത്തുടനീളമുള്ള നിരവധി ബസുകളിലും ട്രക്കുകളിലും ഉപയോഗിക്കുന്നതിനായുള്ള യൂറോ 5-ന് തുല്യമായ ഡീസൽ ഇന്ധനത്തിന്റെ ഗതാഗത മേഖലയുടെ എല്ലാ ആവശ്യങ്ങളും ഖത്തർ എനർജി നൽകും. അങ്ങനെ കാർബൺ പുറന്തള്ളലും മലിനീകരണവും ഗണ്യമായി കുറയ്ക്കാൻ ഖത്തറിനു സാധിച്ചേക്കും .