ഖത്തർ ആകാശത്ത് ഇന്ന് രാത്രി അപൂർവമായ സൂപ്പർ ബ്ലൂ മൂൺ പ്രതിഭാസം!

ഖത്തറിലും ലോകമെമ്പാടും ഇന്ന് വൈകുന്നേരം അപൂർവമായ ഒരു സൂപ്പർ ബ്ലൂ മൂൺ രാത്രി ആകാശത്തെ പ്രകാശപൂരിതമാക്കും

ഖത്തർ കലണ്ടർ ഹൗസ് (ക്യുസിഎച്ച്) അനുസരിച്ച്, ഒരേ മാസത്തിനുള്ളിൽ സംഭവിക്കുന്ന രണ്ടാമത്തെ പൂർണ്ണചന്ദ്രനെയാണ് ‘ബ്ലൂ മൂൺ’ സൂചിപ്പിക്കുന്നത്. ആഗസ്റ്റ് ഒരു പൂർണ്ണ സൂപ്പർമൂണിൽ ആരംഭിച്ചു മറ്റൊരു പൂർണ്ണ സൂപ്പർമൂണിൽ അവസാനിക്കും. താരതമ്യേന അപൂർവമായ ജ്യോതിശാസ്ത്ര സംഭവമായാണ് ഇതിനെ കണക്കാക്കുന്നത്.

ഇന്ന് വൈകുന്നേരം വരെ നാളെ സൂര്യോദയത്തിന് മുമ്പ്, ചന്ദ്രൻ വലുതും കൂടുതൽ തിളക്കവുമുള്ളതായിരിക്കുമെന്ന് ക്യുസിഎച്ച് പറഞ്ഞു. സൂപ്പർമൂണിന് തന്നെ വലിപ്പം മാറില്ല, എന്നാൽ ഭ്രമണപഥത്തിൽ ഭൂമിയോട് ഏറ്റവും അടുത്ത് നിൽക്കുന്നതിനാൽ അത് വലുതും തെളിച്ചമുള്ളതുമായി കാണപ്പെടും.

Content Highlights: Rare blue supermoon to illuminate Qatar sky tonight