ദോഹ: ഈ വാരാന്ത്യത്തിൽ ശക്തമായ വടക്കുപടിഞ്ഞാറൻ കാറ്റും ചിതറിക്കിടക്കുന്ന മഴയും ഉണ്ടാകാനുള്ള സാധ്യതയുണ്ടെന്ന് ഖത്തർ കാലാവസ്ഥാ വകുപ്പ് (ക്യുഎംഡി) അറിയിച്ചു.
വടക്കൻ കടൽത്തീരത്ത് ചിതറിക്കിടക്കുന്ന നേരിയ മഴ കണ്ടതായി ക്യുഎംഡി ഒരു പോസ്റ്റിൽ പറഞ്ഞു.
പൊതുവായി രാജ്യത്തുടനീളം മേഘങ്ങളുടെ അളവ് ക്രമേണ വർദ്ധിക്കുമെന്നും, 2022 ഏപ്രിൽ 13 ബുധനാഴ്ചയ്ക്ക് ഇടയിൽ അടുത്ത ആഴ്ചയുടെ ആരംഭം വരെ ചില സമയങ്ങളിൽ കാലാവസ്ഥ ഭാഗികമായി മേഘാവൃതമായതോ ആയിരിക്കുമെന്നും ഇടവിട്ട് ചിതറിക്കിടക്കുന്ന മഴയ്ക്ക് സാധ്യതയുണ്ടെന്നും വകുപ്പ് കൂട്ടിച്ചേർത്തു.
ഏപ്രിൽ 17-18 ഞായർ, തിങ്കൾ ദിവസങ്ങളിൽ വടക്കുപടിഞ്ഞാറൻ കാറ്റ് ശക്തമായി വീശുമെന്ന് പ്രതീക്ഷിക്കുന്നു, അതോടൊപ്പം പൊടിപടലങ്ങളും ഉയരുതോടെ പ്രത്യേകിച്ച് തുറസ്സായ സ്ഥലങ്ങളിൽ 2 കിലോമീറ്റർ കുറഞ്ഞ തിരശ്ചീന ദൃശ്യപരതക്കും സാധ്യതയുണ്ട്. ഈ കാലയളവിലെ താപനില ഖത്തറിലെ വിവിധ പ്രദേശങ്ങളിൽ പകൽ സമയത്ത് 24-36 ഡിഗ്രി സെൽഷ്യസും രാത്രി 15-23 ഡിഗ്രി സെൽഷ്യസും ആയിരിക്കും.