ദോഹ: ദോഹ മെട്രോയ്ക്ക് ‘ചാർട്ടേഡ് ഇൻസ്റ്റിറ്റ്യൂട്ട് ഓഫ് ഹൈവേസ് ആന്റ് ട്രാൻസ്പോർട്ടേഷൻ (സിഐഎച്ച്ടി) അന്താരാഷ്ട്ര അവാർഡ് 2020’ ലഭിച്ചതിനെത്തുടർന്ന് ഖത്തർ റെയിൽ അന്താരാഷ്ട്ര അംഗീകാരം നേടി.
യുകെ, അയർലൻഡ് എന്നിവിടങ്ങളിൽ നിന്നുള്ള ഹൈവേകളുടെയും ഗതാഗത ഇൻഫ്രാസ്ട്രക്ചറിന്റെയും സേവനങ്ങളുടെയും മികച്ച മാതൃകയെ കണക്കിലെടുത്താണ് അവാർഡ്. യുഎസ്, ആഫ്രിക്ക, ഏഷ്യ, ബാൽക്കൻ എന്നിവിടങ്ങളിലെ മെഗാ പ്രോജക്ടുകൾക്കൊപ്പം ഷോർട്ട്ലിസ്റ്റ് ചെയ്ത ശേഷമാണ് പദ്ധതിക്ക് അവാർഡ് ലഭിച്ചതെന്ന് കമ്പനി അറിയിച്ചു.
നിഷ്പക്ഷ ചിന്താഗതികാരായ വിധികർത്താക്കളുടെ തീരുമാനത്തിൽ ദോഹ മെട്രോയുടെ മികവ് ഊന്നിപറഞ്ഞു. പ്രോജക്റ്റ് ഇൻഫ്രാസ്ട്രക്ചറിൽ ദോഹ മെട്രോ മൗലികതയും പുതുമയും നിലനിർത്തുന്നതിനൊപ്പം സുസ്ഥിരവും പാരിസ്ഥിതികവും സുരക്ഷാ മാനദണ്ഡങ്ങൾ പാലിച്ചതുമാണെന്നു സമൂഹത്തിനും വ്യവസായ മേഖലയ്ക്കും മാതൃകയാണെന്ന് അവർ അഭിപ്രായപ്പെട്ടു.
ക്ലാസ് ഓട്ടോമേറ്റഡ് റെയിൽ ശൃംഖലയിൽ ഏറ്റവും മികച്ചതാണ് ദോഹ മെട്രോ. രാജ്യത്തെ പൊതുഗതാഗത സംവിധാനത്തിന്റെ ഉപയോഗം പ്രോത്സാഹിപ്പിക്കുന്ന ഖത്തറിന്റെ സംയോജിത പൊതുഗതാഗത സംവിധാനത്തിന്റെ നട്ടെല്ലു തന്നെയാണ് ദോഹ മെട്രോ. ഖത്തർ നാഷണൽ വിഷൻ 2030 പൂർത്തീകരിക്കുന്നതിൽ ഇതൊരു പ്രധാന ഘടകമാണ്
ദോഹയിലും പരിസര പ്രദേശങ്ങളിലും വേഗത്തിൽ യാത്ര ചെയ്യാൻ ഇത് സഹായകരമാകുന്നു.സുസ്ഥിര രൂപകൽപ്പന, നിർമ്മാണം, പ്രവർത്തനങ്ങൾ എന്നിവയുടെ അടിസ്ഥാനത്തിൽ ജിഎസ്എഎസ് 5-സ്റ്റാർ, ലീഡ് ഗോൾഡ് അവാർഡുകൾ നേടിയിട്ടുണ്ട്.