കോവിഡ്: ഞായറാഴ്ച മുതൽ സ്‌കൂൾ പഠനം ഓൺലൈൻ മുഖേന മാത്രം

ദോഹ: കോവിഡ് സംഖ്യ വർധിച്ചു വരുന്ന സാഹചര്യത്തിലാണ് സർക്കാർ, സ്വകാര്യ സ്‌കൂളുകൾ, കിന്റർഗാർട്ടനുകൾ, സർവകലാശാലകൾ എന്നിവിടങ്ങളിൽ ഞായറാഴ്ച മുതൽ സ്‌കൂൾ പഠനം ഓൺലൈൻ മുഖേന മാത്രം.

ക്ലാസ്മുറി-ഓൺലൈൻ മിശ്രപഠന സംവിധാനമായിരുന്നതാണ് ഞായർ മുതൽ ഓൺലൈൻ ആക്കുന്നത്. ഓൺലൈൻ പഠനത്തിലും നഴ്‌സറി മുതൽ സർവകലാശാല വരെയുള്ള എല്ലാ വിദ്യാർഥികളുടെയും ഹാജർ രേഖപ്പെടുത്തും.

അതേസമയം സ്‌കൂൾ അധ്യാപകരും ഭരണനിർവഹണ ജീവനക്കാരും സ്‌കൂളിലെത്തി ജോലി ചെയ്യണം. പരീക്ഷകൾക്ക് മാത്രമായി വിദ്യാർഥികൾ സ്‌കൂളിലെത്തിയാൽ മതി. പരീക്ഷാദിനങ്ങളിൽ പാലിക്കേണ്ട നടപടികൾ പിന്നീട് പ്രഖ്യാപിക്കും.