ദോഹ: അൽ വാബ് സ്ട്രീറ്റിൽ രണ്ട് ഇന്റർസെക്ഷനുകൾ തുറക്കുമെന്നും അൽ വക്രയിലെ ഒരു ഇന്റീരിയർ റോഡ് അടച്ചതായും അഷ്ഘൽ സോഷ്യൽ മീഡിയയിലൂടെ അറിയിച്ചു.
ജനറൽ ഡയറക്ടറേറ്റ് ഓഫ് ട്രാഫിക്കുമായി ഏകോപിപ്പിച്ച് ഡിസംബർ 25 ശനിയാഴ്ച അൽ വാബ് സ്ട്രീറ്റിലെ ബയ ഇന്റർസെക്ഷനും അടുത്ത വെള്ളിയാഴ്ച ഡിസംബർ 31 നു ഖലീഫ ഒളിമ്പിക് സിറ്റി ഇന്റർസെക്ഷനും ഗതാഗതത്തിനായി തുറക്കുമെന്ന് പൊതുമരാമത്ത് അതോറിറ്റി ട്വീറ്റ് ചെയ്തു.
ഈ കവലകൾ തുറക്കുന്നത് അൽ അസീസിയ, അൽ വാബ്, മെഹൈർജ, മുറൈഖ്, മുഐതർ എന്നിവിടങ്ങളിലേക്കുള്ള റോഡ് ഉപയോക്താക്കൾക്ക് ഗതാഗതം സുഗമമാക്കും. ഒരിക്കൽ തുറക്കുന്ന റോഡുകൾ റോഡ് ഉപയോക്താക്കളെ വാണിജ്യ, മെഡിക്കൽ, വിദ്യാഭ്യാസ, കായിക സൗകര്യങ്ങളിലേക്കും പ്രത്യേകിച്ച് ആസ്പയർ സോണിലേക്കും ഖലീഫ ഇന്റർനാഷണൽ സ്റ്റേഡിയത്തിലേക്കും ബന്ധിപ്പിക്കും.
അൽ വക്ര റോഡിലൂടെയുള്ള ഇബ്ൻ സീൻസ് സ്ട്രീറ്റിൽ നിന്നുള്ള പ്രവേശനത്തിനും അഷ്ഘൽ ഒരു മാസത്തെ അടച്ചിടൽ നടപ്പാക്കും. 2021 ഡിസംബർ 21 മുതൽ 2022 ജനുവരി 20 വരെയാണ് ഈ അടച്ചുപൂട്ടൽ. ട്രാഫിക് ഡിപ്പാർട്ട്മെന്റിന്റെ ഏകോപനത്തോടെ അൽ വക്റ മെയിൻ റോഡിന്റെ ജോലികൾ സാധ്യമാക്കാനാണ് ഈ അടച്ചുപൂട്ടൽ.
അടച്ചിടൽ സമയത്ത് യാത്രക്കാർക്ക് അവരുടെ ലക്ഷ്യസ്ഥാനങ്ങളിലെത്താൻ അൽ സുവൈർ സ്ട്രീറ്റിലൂടെയുള്ള മുൻപുള്ള വഴികൾ ഉപയോഗിക്കാം.