ഈ വർഷം ഖത്തറിൽ നടക്കുന്ന ടൂർണമെന്റിൽ ആറാം തവണയും ബ്രസീൽ ഫിഫ ലോകകപ്പ് നേടുമെന്ന് നെതർലൻഡ്സ് ഇതിഹാസതാരം റൊണാൾഡ് ഡി ബോയർ പ്രവചിക്കുന്നു.
മുൻ നെതർലൻഡ്സ് ഇന്റർനാഷണൽ ഈയിടെ തന്റെ ലോകകപ്പ് പ്രവചനങ്ങൾ സുപ്രീം കമ്മിറ്റി ഫോർ ഡെലിവറി & ലെഗസിക്ക് നൽകുകയായിരുന്നു. ഡിസംബർ 18 ന് ലുസൈൽ സ്റ്റേഡിയത്തിൽ നടക്കുന്ന ഫൈനലിൽ ദക്ഷിണ അമേരിക്കൻ വമ്പന്മാർ പോർച്ചുഗലിനെ പരാജയപ്പെടുത്തുമെന്ന് അദ്ദേഹം പ്രവചിക്കുന്നു.
മുൻ അയാക്സ്, ബാഴ്സലോണ, റേഞ്ചേഴ്സ് മിഡ്ഫീൽഡർ മൂന്നാം സ്ഥാനം നേടി തന്റെ രാജ്യം ശക്തമായ ക്യാമ്പയിൻ പൂർത്തീകരിക്കുമെന്നും അദ്ദേഹം പ്രവചിക്കുന്നു
.ആഫ്രിക്കൻ കപ്പ് ഓഫ് നേഷൻസ് ഹോൾഡർമാരായ സെനഗലിന് മുകളിൽ ഗ്രൂപ്പ് എയിൽ ലൂയിസ് വാൻ ഗാലിന്റെ ടീം എത്തുമെന്നും അദ്ദേഹം കണക്കാക്കുന്നു.
“എന്നെ സംബന്ധിച്ചിടത്തോളം, ബ്രസീൽ കിരീടം നേടാനുള്ള വ്യക്തമായ ഫേവറിറ്റുകളാണ്,” ഡി ബോയർ പറഞ്ഞു. “ബ്രസീലിയൻ കളിക്കാർ ആ മഞ്ഞ ജഴ്സി ധരിക്കുമ്പോൾ, അവരുടെ മാനസികാവസ്ഥയ്ക്ക് എന്തെങ്കിലും സംഭവിക്കുന്നു. ഈ ലോകകപ്പിന് ബ്രസീൽ പൂർണ്ണമായും സജ്ജമാകുമെന്ന് ഞാൻ വിശ്വസിക്കുന്നു, അവസാന ദിവസം വന്നാൽ അവർ വീണ്ടും ട്രോഫി ഉയർത്തുമെന്ന് ഞാൻ കരുതുന്നു.” അദ്ദേഹം പറഞ്ഞു.
Content Highlights: Brazil are favourites to win the World Cup: Ronald de Boer