ദോഹ: രാജ്യത്ത് താപനില വർദ്ധിച്ചുകൊണ്ടിരിക്കുമ്പോൾ അതിനെ ചെറുക്കാൻ പൊതുജനം ആവശ്യമായ നടപടികളും മുൻകരുതലുകളും സ്വീകരിക്കേണ്ടതിന്റെ പ്രാധാന്യം വിശദീകരിച്ച് ഹമദ് മെഡിക്കൽ കോർപ്പറേഷൻ (എച്ച്എംസി) .
കുട്ടികളെ വാഹനങ്ങളിൽ തനിച്ചാക്കി പോവരുതെന്നും അധികൃതർ ഓർമ്മിപ്പിച്ചു. ഇങ്ങനെ ചെയ്യുമ്പോഴുണ്ടാവുന്ന അപകടങ്ങളെക്കുറിച്ച് സോഷ്യൽ മീഡിയ പ്രചാരണത്തിൽ എച്ച്എംസി പൊതുജനങ്ങൾക്ക് മുന്നറിയിപ്പ് നൽകിയിട്ടുണ്ട്. “കുട്ടികളെ പാർക്കിംഗ് സ്ലോട്ടുകളിൽ ശ്രദ്ധിക്കാതെ വിടരുത്,” അതിൽ പറയുന്നു.
“ഒരു കുട്ടിയുടെ ശരീര താപനില മുതിർന്നവരേക്കാൾ അഞ്ചിരട്ടിയായി ഉയരാം, പ്രത്യേകിച്ച് കടുത്ത വേനൽക്കാലത്ത്.
അമിതമായ ചൂടിൽ പെടുമ്പോൾ, കുട്ടികൾക്ക് നിർജ്ജലീകരണം, പനി, ഹൃദയാഘാതം, മരണം തന്നെ സംഭവിക്കാനുള്ള സാധ്യത കൂടുതലാണ്,” എച്ച്എംസി മുന്നറിയിപ്പ് നൽകി. മുങ്ങിമരണത്തിന്റെ അപകടസാധ്യത ഒഴിവാക്കാൻ ബീച്ചുകളിലും നീന്തൽക്കുളങ്ങളിലും പാലിക്കേണ്ട പ്രധാന നടപടികളെക്കുറിച്ചും എച്ച്എംസി വിശദീകരിച്ചു.
ബീച്ചുകളിലേക്ക് പോകുന്നതിനുമുമ്പ് കാലാവസ്ഥാ സ്ഥിതി പരിശോധിക്കാൻ എച്ച്എംസി നിർദ്ദേശിച്ചു. ബീച്ചുകളിലോ നീന്തൽക്കുളങ്ങളിലോ നീന്തുമ്പോൾ സുരക്ഷാ നിർദ്ദേശങ്ങൾ പാലിക്കുക, നീന്തുന്ന സമയത്ത് എല്ലായ്പ്പോഴും കുട്ടികളെ നിരീക്ഷിക്കുക, അവർ ജാക്കറ്റും, മറ്റു സുരക്ഷാ ഉപകരണങ്ങളും ധരിച്ചിട്ടുണ്ടെന്ന് ഉറപ്പാക്കണമെന്നും അധികൃതർ.
“എങ്ങനെ നീന്താമെന്നും മറ്റുള്ളവരെ രക്ഷിക്കാൻ സിപിആർ (കൃത്രിമ ശ്വസനം) എങ്ങനെ ചെയ്യാമെന്നും കുട്ടികളെ പഠിപ്പിക്കണം”.
ഹമദ് മെഡിക്കൽ കോർപ്പറേഷനിലെ സീനിയർ കൺസൾട്ടന്റ് എമർജൻസി മെഡിസിൻ, ഹമദ് ഇന്റർനാഷണൽ ട്രെയിനിംഗ് സെന്റർ ഡയറക്ടർ ഡോ. ഖാലിദ് അബ്ദുൽനൂർ പറഞ്ഞു.
മുങ്ങിമരണത്തിന്റെ 90% കേസുകളും 10 വയസ്സിന് താഴെയുള്ള കുട്ടികളിലാണെന്നും,
70% കേസുകളിൽ 4 വയസ്സിന് താഴെയുള്ള കുട്ടികളുമാണ്. ഡോ. അബ്ദുൽനൂർ കൂട്ടിച്ചേർത്തു.
മുങ്ങിമരണങ്ങൾ തടയുന്നതിനുള്ള മുൻകരുതൽ നടപടികൾ സ്വീകരിക്കേണ്ടതിന്റെ പ്രാധാന്യം അദ്ദേഹം എടുത്തു പറഞ്ഞു.
വീടുകളിലെ നീന്തൽക്കുളങ്ങങ്ങൾ ഉൾപ്പെടെയുള്ള ജലാശയങ്ങൾക്ക് ചുറ്റും വേലി പണിയുന്നത് കുട്ടികൾ അതിനടുത്തേക്ക് പോവുന്നതിൽ നിന്നും അതുമൂലം ഉണ്ടാവുന്ന അപകടങ്ങൾ ഒഴിവാക്കാനും കഴിയുമെന്നും അധികൃതർ നിർദേശിച്ചു.
English summary; As summer temperature continues to rise, Hamad Medical Corporation (HMC) has stressed the importance of community members taking the necessary measures and precautions.