ദോഹ: ഹമദ് മെഡിക്കൽ കോർപറേഷന്റെ ബ്ലഡ് ഡോണർ സെന്ററുകളിൽ ആർഎച്ച് നെഗറ്റീവ് രക്തം അടിയന്തരമായി ആവശ്യമാണ്.
എച്ച്എംസിയുടെ ബ്ലഡ് ഡോണർ സെന്ററുകൾക്ക് ഒ-രക്തവും എല്ലാ ആർഎച്ച് (എ-, ബി-, എബി-) നെഗറ്റീവായ രക്തവും അടിയന്തിരമായി ആവശ്യമാണ്,” ഹമദ് മെഡിക്കൽ കോർപ്പറേഷൻ ട്വീറ്റ് ചെയ്തു.
ഞായറാഴ്ച മുതൽ വ്യാഴം വരെ രാവിലെ 7 മുതൽ രാത്രി 9:30 വരെയും ശനിയാഴ്ച രാവിലെ 8 മുതൽ ഉച്ചയ്ക്ക് 2 വരെയും ബ്ലഡ് ഡോണർ സെന്റർ (ബൈത്ത് അൽ ദിയാഫ) സന്ദർശിച്ച് രക്തദാനം നടത്താം. വെള്ളിയാഴ്ചകളിൽ അടച്ചിരിക്കും.
രക്തദാതാക്കൾക്ക് ഞായറാഴ്ച മുതൽ വ്യാഴം വരെ രാവിലെ 7 മുതൽ രാത്രി 9.30 വരെ സാറ്റലൈറ്റ് ബ്ലഡ് ഡോണർ സെന്റർ (സർജിക്കൽ സ്പെഷ്യാലിറ്റി സെന്ററിന് എതിർവശത്ത്) സന്ദർശിക്കാം, വെള്ളി, ശനി ദിവസങ്ങളിൽ അത് അടച്ചിരിക്കും.
രാജ്യത്തെ രക്തദാതാക്കളുടെ കേന്ദ്രങ്ങൾ സുരക്ഷിതത്വത്തിന്റെയും അണുബാധ നിയന്ത്രണത്തിന്റെയും ഏറ്റവും ഉയർന്ന മാനദണ്ഡങ്ങൾ പാലിക്കുകയും ജീവനക്കാരുടെയും ദാതാക്കളുടെയും സുരക്ഷ ഉറപ്പാക്കാൻ സഹായിക്കുന്നതിന് കൂടുതൽ മുൻകരുതലുകൾ എടുക്കുകയും ചെയ്യുന്നു.
Content Highlights: HMC in urgent need of RH negative blood donors