ദോഹ: ലെറ്റസ് ഈറ്റാലിയൻ പ്രമോഷന്റെ ഭാഗമായി വിവിധ തരം ഇറ്റാലിയൻ ഉൽപന്നങ്ങളുടെ വൻനിര അണിനിരത്തി ലുലു ഹൈപ്പർ മാർക്കറ്റ്. ഇറ്റാലിയൻ ട്രേഡ് ഏജൻസി, വിദേശകാര്യ അന്താരാഷ്ട്ര സഹകരണ മന്ത്രാലയം, ഇറ്റാലിയൻ എംബസിയുടെ ട്രേഡ് പ്രമോഷൻ സെക്ഷൻ എന്നിവയുമായി സഹകരിച്ചാണ് ലുലു ഗ്രൂപ്പ് മൂന്നാമത് പ്രമോഷൻ സംഘടിപ്പിക്കുന്നത്.
കാൻഡ് പച്ചക്കറികൾ, പാസ്ത, അരി, പാൽക്കട്ടി, പാലുൽപന്നങ്ങൾ, ബിസ്കറ്റ്, കാപ്പി, ഒലിവ് ഓയിൽ, മികച്ചയിനം പച്ചക്കറികളും പഴങ്ങളും ചോക്ലറ്റ്, സോസ് തുടങ്ങി ഭക്ഷ്യമേഖലയിലെ ഇറ്റാലിയൻ വൈദഗ്ധ്യമാണ് പ്രദർശനത്തിൽ പ്രധാനമായും ഉള്ളത്. മാർച്ച് 17ന് തുടങ്ങിയ ‘ലെറ്റസ് ഈറ്റാലിയൻ’ പ്രമോഷൻ 23ന് സമാപിക്കും. ഇറ്റാലിയൻ ഉൽപന്നങ്ങൾ താങ്ങാവുന്ന വിലയിൽ എല്ലാ ലുലു ഹൈപർ മാർക്കറ്റുകളിലും പ്രമോഷന്റെ ഭാഗമായി ലഭിക്കും.
