ദോഹ: ഓൾഡ് ദോഹ തുറമുഖത്ത് സ്ഥിതി ചെയ്യുന്ന ഗ്രാൻഡ് ക്രൂയിസ് ടെർമിനലിൽ അഞ്ച് അധിക കപ്പലുകൾ കൂടി നങ്കൂരമിടുന്നതോടെ കഴിഞ്ഞ വർഷം ആരംഭിച്ച ഖത്തറിൻ്റെ 2023/2024 ക്രൂയിസ് സീസൺ ഈ ഏപ്രിലിൽ അവസാനിക്കും.
263 യാത്രക്കാരും 145 ക്രൂ അംഗങ്ങളുമായി മാർച്ച് 10 ന് ഖത്തറിലേക്ക് ആദ്യ കോൾ നടത്തിയ എംഎസ് ഹാംബർഗ് ആണ് തുറമുഖത്ത് ഏറ്റവും ഒടുവിൽ എത്തിയത്. 144 മീറ്റർ നീളവും 21.5 മീറ്റർ വീതിയുമുള്ള എംഎസ് ഹാംബർഗിന് 170 അംഗ ക്രൂസിനൊപ്പം 400 യാത്രക്കാർക്കും സൗകര്യമുണ്ട്.
മാർച്ച് 31-ന് ഗ്രാൻഡ് ക്രൂയിസ് ടെർമിനലിൽ നങ്കൂരമിടാൻ ഷെഡ്യൂൾ ചെയ്തിരിക്കുന്നത് എംഎസ്സി ക്രൂയിസിൻ്റെ ഉടമസ്ഥതയിലുള്ളതും പ്രവർത്തിപ്പിക്കുന്നതുമായ മെറാവിഗ്ലിയ-പ്ലസ്-ക്ലാസ് ക്രൂയിസ് കപ്പലായ എംഎസ്സി വിർച്യുസയാണ്. ഫ്രാൻസിലെ ചാൻ്റിയേഴ്സ് ഡി അറ്റ്ലാൻ്റിക് നിർമ്മിച്ച എംഎസ്സി വിർച്യുസ അതിൻ്റെ ശ്രേണിയിലെ രണ്ടാമത്തെ കപ്പലും എംഎസ്സി ഗ്രാൻഡിയോസയുടെ സഹോദര കപ്പലുമാണ്.
ഏപ്രിൽ 1 ന്, ആഡംബര ഓഫറുകൾക്ക് പേരുകേട്ട സീബോൺ എൻകോർ ടെർമിനലിൽ നങ്കൂരമിടും. 300 സ്യൂട്ടുകളും 690 അടി നീളവും 92 അടി വീതിയുമുള്ള സീബോൺ എൻകോർ ആഡംബര യാത്രയുടെ പ്രതീകമായി നിലകൊള്ളുന്നു.
ഏപ്രിൽ 1-ന് തന്നെ നങ്കൂരമിടുന്ന മറ്റൊരു ക്രൂയിസ് കപ്പൽ ഐഡപ്രൈമ ആണ്. ഐഡ ക്രൂയിസസ് നടത്തുന്നതും ഇറ്റലിയുടെ പതാകയ്ക്ക് കീഴിലുമുള്ള ക്രൂയിസ് കപ്പലാണിത്. 300 മീറ്റർ നീളവും 37.6 മീറ്റർ വീതിയുമുള്ള ഐഡപ്രൈമയിൽ 18 പാസഞ്ചർ ഡെക്കുകളും 1,643 സ്റ്റേറൂമുകളും ഉൾക്കൊള്ളുന്നു. 3,300-ലധികം യാത്രക്കാരെ ഉൾക്കൊള്ളാൻ ഇതിനു സാധിക്കും.
സീസൺ അവസാനിപ്പിച്ച് ബ്രിട്ടീഷ് അറ്റ്ലാൻ്റിക് സമുദ്ര കപ്പലായ ക്വീൻ മേരി 2 ഏപ്രിൽ 5 ന് ദോഹയിൽ നങ്കൂരമിടും. തുടർന്ന് അർത്താനിയ ഏപ്രിൽ 25 ന് ദോഹ തീരത്തണയും. 2011 മുതൽ ഫീനിക്സ് റെയ്സൻ ചാർട്ടേഡ് ചെയ്ത അർത്താനിയ, ഫിൻലൻഡിലെ വാർട്സില ക്വീൻ ക്രൂയിസിനുവേണ്ടി നിർമ്മിച്ചതാണ്.
ഖത്തർ ടൂറിസത്തിൻ്റെ 2023/24 ക്രൂയിസ് സീസണിൽ മൊത്തം 79 ക്രൂയിസുകളെയും 350,000 യാത്രക്കാരെയും സ്വാഗതം ചെയ്യുമെന്ന് പ്രതീക്ഷിക്കുന്നു. ഇത് മുൻ സീസണിലെ കണക്കുകളെ മറികടക്കുന്നു. ക്രൂയിസ് ടൂറിസത്തിലെ ഈ കുതിച്ചുചാട്ടം, ഖത്തറിൻ്റെ ടൂറിസം മേഖല മെച്ചപ്പെടുത്തുന്നതിനും ആഗോളതലത്തിൽ ഒരു പ്രധാന ലക്ഷ്യസ്ഥാനമായി മാറുന്നതിനുമുള്ള ഖത്തറിൻ്റെ പ്രതിബദ്ധതയെയാണ് അടിവരയിടുന്നത്.
Content Highlights: Qatar’s 2023/2024 cruise season concludes in April