മാരകശേഷിയുള്ള നിരോധിത മയക്കുമരുന്നായ ഷാബു ഖത്തറിലേക്ക് കടത്താനുള്ള ശ്രമം കസ്റ്റംസ് വിഫലമാക്കി

ദോഹ: ഖത്തറിലേക്ക് നിരോധിത മാരക മയക്കുമരുന്നായ ഷാബു ഒളിച്ചു കടത്താനുള്ള ശ്രമം എയർ കാർഗോ ആൻഡ് പ്രൈവറ്റ് എയർപോർട്ട് കസ്റ്റംസ് വിജയകരമായി പരാജയപ്പെടുത്തി.
കസ്റ്റംസ് ഡിപ്പാർട്ട്മെന്റ് ട്വിറ്ററിൽ ഒരു വീഡിയോ പങ്കുവയ്ക്കുകയും കാറുകളുടെ സ്പെയർ പാർട്സിനുള്ളിൽ നിരോധിത വസ്തു ഒളിപ്പിച്ചതായി കാണിക്കുകയും ചെയ്തു. പിടിച്ചെടുത്ത ഷാബോയുടെ ആകെ ഭാരം 1 കിലോ ആയിരുന്നു.

നിയമവിരുദ്ധമായ വസ്തുക്കൾ രാജ്യത്തേക്ക് കൊണ്ടുപോകുന്നതിനെതിരെ അധികൃതർ തുടർച്ചയായി മുന്നറിയിപ്പുകൾ നൽകുന്നുണ്ട്.
യാത്രക്കാരുടെ ശരീരഭാഷ വായിക്കുന്നതിനും കള്ളക്കടത്തുകാർ പിന്തുടരുന്ന ഏറ്റവും പുതിയ രീതികളെക്കുറിച്ച് മനസിലാക്കാനും സഹായിക്കുന്ന നൂതനഉപകരണങ്ങളും തുടർച്ചയായ പരിശീലനവും ഉൾപ്പെടെ എല്ലാവിധ പിന്തുണയും കസ്റ്റംസ് ഉദ്യോഗസ്ഥർക്ക് നൽകിവരുന്നുണ്ട്