വിദ്യാര്‍ത്ഥികള്‍ക്ക് കോവിഡ് ; സ്കൂള്‍ രണ്ടാഴ്ചത്തേക്ക് അടച്ചിടും.

ദോഹ: ഒരേ സ്കൂളിലെ മൂന്ന് ക്ലാസുകളിൽ വിദ്യാര്‍ഥികളില്‍ കോവിഡ് -19 കേസുകൾ കണ്ടെത്തിയതിനാല്‍ രണ്ടാഴ്ചത്തേക്ക് സ്കൂൾ പൂർണ്ണമായും അടച്ചിടും. കോവിഡ് -19 ലെ സ്ട്രാറ്റജിക് ഗ്രൂപ്പും ഹമദ് മെഡിക്കൽ കോർപ്പറേഷനിലെ പകർച്ചവ്യാധി വിഭാഗം മേധാവിയുമായ ഡോ. അബ്ദുല്ലതിഫ് അൽ ഖലാണ് ഇക്കാര്യം ഖത്തർ ടിവിയിൽ അറിയിച്ചത്.

5% അധ്യാപകരോ സ്കൂൾ തൊഴിലാളികളോ കൊറോണ ബാധിച്ചിട്ടുണ്ടെങ്കിൽ, രണ്ടാഴ്ചത്തേക്ക് സ്കൂൾ അടച്ചിടാന്‍ തീരുമാനമുണ്ടായിരുന്നു. സ്കൂൾ വിദ്യാർത്ഥികൾക്കിടയിൽ ആകെ 1% ൽ കുറവാണ് കേസുകളുടെ എണ്ണം, അതിനാല്‍ ഇത് വലിയ പ്രതിസന്ധിയായി കാണുന്നില്ലെന്നും COVID-19 തടയുന്നതിനുള്ള മുൻകരുതൽ നടപടികൾ പാലിക്കുന്നുണ്ടെന്ന് ഉറപ്പുവരുത്താൻ സ്കൂളുകൾ സന്ദർശിക്കുന്നതിനും നിരീക്ഷിക്കുന്നതിനും ടീമുകളുണ്ടെന്നും അദ്ദേഹം പറഞ്ഞു.