പൊടിക്കാറ്റിൽ മുങ്ങി ഖത്തർ, വാഹനമോടിക്കുന്നവർക്ക് മുന്നറിയിപ്പ്

ദോഹ: ഖത്തറിലുടനീളം കനത്ത പൊടി പടരുന്നതായി ഏറ്റവും പുതിയ കാലാവസ്ഥാ ചിത്രങ്ങൾ കാണിക്കുന്നതായി കാലാവസ്ഥാ വകുപ്പ് അറിയിച്ചു.

രാജ്യത്തിന്റെ ചില ഭാഗങ്ങളിൽ തിരശ്ചീനമായ ദൃശ്യപരത ചില സമയങ്ങളിൽ പൂജ്യമായി കുറഞ്ഞതിനാൽ വാഹനമോടിക്കുന്നവർക്ക് മുന്നറിയിപ്പ് നൽകി. ശക്തമായ കാറ്റും കടൽക്ഷോഭവും കടലിൽ ദൂരക്കാഴ്ച കുറയാൻ കാരണമായതായി വകുപ്പ് കൂട്ടിച്ചേർത്തു.

കാറ്റ് വടക്കുപടിഞ്ഞാറ് ദിശയിൽ 13-നും 23-നും ഇടയിൽ നോട്ടിക്കൽ മൈൽ വേഗതയിലായിരിക്കും വീശുക. ചിലയിടങ്ങളിൽ ചിലപ്പോൾ 31 നോട്ട് വരെ വേഗതയിൽ കാറ്റ് വീശും. തിരശ്ചീന ദൃശ്യപരത 4 മുതൽ 8 കിലോമീറ്റർ വരെയാണ്. ചില പ്രദേശങ്ങളിൽ ഇത് 2 കിലോമീറ്ററോ അതിൽ കുറവോ ആയി കുറയുന്നു.

ദോഹയിൽ പ്രതീക്ഷിക്കുന്ന ഉയർന്ന താപനില 41 ഡിഗ്രി സെൽഷ്യസാണ്.