ദോഹ: കൊവിഡ്-19 രോഗികൾക്കുള്ള ചികിത്സാ സൗകര്യമായി ഹസ്ം മെബൈരീഖ് ജനറൽ ആശുപത്രി അനുവദിച്ചതായി ഹമദ് മെഡിക്കൽ കോർപ്പറേഷൻ അറിയിച്ചു.
മിതമായതും കഠിനവുമായ ലക്ഷണങ്ങളുള്ള കൊറോണ വൈറസ് രോഗികളെ ഹസ്ം മെബൈരീക്ക് ജനറൽ ആശുപത്രിയിൽ പ്രവേശിപ്പിക്കുമെന്നും അവിടെ അവർക്ക് ആ ലക്ഷണങ്ങളെ നേരിടാൻ ആവശ്യമായ ചികിത്സ ലഭിക്കുമെന്നും അടുത്ത മെഡിക്കൽ നിരീക്ഷണം ലഭിക്കുമെന്നും അത് വ്യക്തമാക്കി.
“കൊറോണ വൈറസ് (കോവിഡ് -19) ഉള്ള രോഗികളെ ചികിത്സിക്കുന്നതിനുള്ള സൗകര്യമാക്കി ഹസ്ം മെബൈറീക്ക് ജനറൽ ഹോസ്പിറ്റലിനെ മാറ്റാനുള്ള തീരുമാനംവരും ആഴ്ചകളിൽ പോസിറ്റീവ് ആവുന്ന രോഗികളുടെ എണ്ണത്തിൽ സാധ്യമായ വർദ്ധന നിയന്ത്രിക്കാനുള്ള കഴിവ് ഉറപ്പാക്കുന്നതിനുള്ള ആരോഗ്യ പരിപാലന മേഖലയുടെ സജീവമായ പദ്ധതിയുടെ ഭാഗമാണ്. ” എച്ച്എംസി പറഞ്ഞു.
കൊവിഡ്-19 വൈറസ് ബാധിക്കാത്ത, നിലവിൽ ഹസ്ം മെബൈറീഖ് ജനറൽ ഹോസ്പിറ്റലിൽ പ്രവേശിപ്പിക്കപ്പെട്ട രോഗികളെ സ്ഥാപനത്തിന്റെ മറ്റ് സൗകര്യങ്ങളിലേക്ക് മാറ്റുമെന്ന് ഹമദ് മെഡിക്കൽ കോർപ്പറേഷൻ അറിയിച്ചു.
ആംബുലൻസ് സേവനത്തിലൂടെ ആശുപത്രിയിലേക്ക് മാറ്റുന്ന അടിയന്തര മെഡിക്കൽ കേസുകൾ ചികിത്സിക്കുന്നതിനായി ഹസ്ം മെബൈരീക്ക് ജനറൽ ആശുപത്രിയിലെ അത്യാഹിത വിഭാഗം തുറന്ന് പ്രവർത്തിക്കും.
ഹമദ് മെഡിക്കൽ കോർപ്പറേഷന് കോവിഡ് -19 രോഗികളെ പരിചരിക്കുന്നതിനായി സമർപ്പിച്ചിരിക്കുന്ന പ്രധാന ആശുപത്രികളുണ്ട്. അവ സാംക്രമിക രോഗ കേന്ദ്രം, ക്യൂബൻ ഹോസ്പിറ്റൽ, ഹസ്ം മെബൈരീക് ജനറൽ ഹോസ്പിറ്റൽ, ഫീൽഡ് ഹോസ്പിറ്റൽ എന്നിവയാണ്.